• Көргәзмә
• 18 Сәуір, 2024

Рәссамниң тәвәллудиға беғишланди

Йеқинда Ә.Қастеев намидики мирасгаһида атақлиқ коллекционер Азат Һекимбәгниң 75 жиллиқ тәвәллудиға беғишланған «Оттура Азиядики уйғур рәссамлириниң әсәрлири (тәсвирий сәнъәт, графика)» мавзусида көргәзмә уюштурулди. 

Азнат ТАЛИПОВ,
«Uiğur avazi»

Азат Һекимбәг 1972-жилдин башлап, Қәшқәр, Хотән, Турпан, Куча, Ақсу шәһәрлириниң устилири ясиған қолһүнәрвәнчилигиниң буюмлирини топлиған атақлиқ коллекционерларниң биридур. Бүгүнки күнгичә у Қазақстанда, жирақ вә йеқин чәт әлләрдә һәммиси болуп, 74 көргәзмә уюштурди.
Көргәзминиң ечилиш мәрасимида сөзгә чиққан Ә.Қастеев намидики мирасгаһи мудириниң илмий ишлар бойичә орунбасари Светлана Кобжанова, Қазақстан журналистика академиясиниң президенти, тарих пәнлириниң доктори, профессор Сағымбай Қозыбаев, ЮНЕСКО йенидики Мәдәнийәтара йеқинлаштуруш хәлиқара мәркизиниң чоң илмий хадими Валерий Жандаулетов, Россия тәсвирий сәнъәт академиясиниң Пәхрий әзаси Нелли Бубэ, Италияниң Ташқи ишлар министрлигидики Данте Алигьери комитетиниң президенти Кармине Барбаро, Алмутидики миллий китапханиниң мудири Бахытжамал Оспанова, сәнъәтшунас Баян Алдабергенова вә башқилар Қазақстан мәдәнийитиниң тәрәққиятида өзигә хас из-тамғиси бар уйғур хәлқиниң ярқин вәкили һәққидә өзлириниң иллиқ ләвзини билдүрүп, соғиларни тәғдим қилди.
Новәттики натиқлар: җәмийәт әрбаби Әхмәтҗан Шардинов, җумһурийәтлик Уйғур этномәдәнийәт мәркизи, Алмута шәһәрлик шөбисиниң рәиси Әбәйдуллам Җаппаров, «Уйғур авази» гезити баш муһәрририниң орунбасари Бәхтишат Сопиев, мәдәнийәтшунаслиқ пәнлириниң намзити, «Дуния-арт» галереясиниң мудири Һакимҗан Гүлиев, «Атамұра» нәшрияти Уйғур редакциясиниң башлиғи Малик Мәһәмдиновму коллекционер һәққидә көңүлдики ой түгүнлири билән бөлүшти. 
Мәзкүр көргәзмигә Өзбәкстан сәнъәт академиясиниң академиги Медәт Қаһаров, Канн хәлиқара көргәзмисиниң алтун медаль саһиби Абдукерим Иса, Қазақ Мемарчилиқ-қурулуш академиясиниң дизайн факультетиниң профессори Әркин Зулпиқар, Россия сәнъәт академиясиниң Пәхрий академиги Леким Ибрагимов, Қирғизстанниң хизмәт көрсәткән мәдәнийәт әрбаби Сабит Бабажанов, Қазақстан Җумһурийитиниң хизмәт көрсәткән әрбаби Әхмәт Әһәт, ШУАР сәнъәт академиясиниң президенти Керим Нәсирдин вә тонулған рәссамлар Күрәш Зулпиқар, Гөзәл Мәмәдинова, Муһәббәт Һетахунова, Нуршидин Баратов қатарлиқ мойқәләм егилириниң йәтмиштин ошуқ әсәрлири қоюлған. Мәзкүр көргәзмә 2024-жилниң 1-баһар күнигичә давамлишиду.