• Җәмийәтлик тәшкилатларда
• 02 Сәуір, 2012

Җумһурийәтлик Уйғур этномәдәнийәт мәркизиниң барлиқ қазақстанлиқ уйғурларға мураҗиити

Бийилқи қиш бәк соғ болуп, қарму қелин яғди. Амма әтияз пәсли келәр-кәлмәстинла күн бирдин иссип кетип, қар чапсан еришқа башлиди. Шуниң ақивитидә җумһурийитимизниң җәнубий қисмидики көплигән аһалилиқ пунктларға тәбиий апәт ховупи туғулди. Җүмлидин Җәнубий Қазақстан вилайитиниң бир қатар йеза-кәнтлири су ташқининиң зәрдавиға учрап, өй, қора-җайлар сезиләрлик дәриҗидә зәрдап чәкти. Нурғунлиған мал-варан қирилди. Бәхиткә яриша, адәмләрниң һалак болуш әһвали йүз бәрмиди. Амма уларниң көпчилиги баш-панасиз, макансиз қалди. Җумһурийәт һөкүмити, вилайәт рәһбәрлиги, бир қатар идариләр билән йәрлик һакимийәт орунлири су бесиш ақивәтлирини йоқитиш йолида тинимсиз паалийәт елип бериватиду. Дөләт имканийитиниң чәкликлигини чүшәнгән бир қатар мәһкимә-карханилар, сахавәтлик шәхсләрму қол қоштуруп олтармай, тәбиий апәттин зәрдап чәккәнләргә халис ярдимини көрситиватиду. Қазақстан Җумһурийити Парламентиниң депутатлириму бир күнлүк маашини әйнә шу ярдәмгә муһтаҗ адәмләргә әвәтишни қарар қилди. Бу хилдики хәйрихаһлиқ ишлар һазир җай-җайларда уюштурулмақта. Җүмлидин җумһурийәтлик Уйғур этномәдәнийәт мәркизиму җәнубий қазақстанлиқ қериндашлиримизға ярдәм қилиш мәхситидә мәхсус һесап-чотини ачти. Биз биринчи новәттә хәлқимиз арисидин чиққан һаллиқ тиҗарәтчилиримизгә, кархана-мәһкимә һәм шәхсий ширкәтләр рәһбәрлиригә, кишиләрниң дәрт-һәсритигә бепәрва қаримайдиған меһир-сахавәтлик шәхсләргә мураҗиәт қилимиз һәм уларниң бу хәйрихаһлиқ паалийәттин чәттә қалмайдиғанлиғиға ишинимиз. Бизниң һесап-чотимиз: Бенифициар: общественное объединение «Республиканский культурный центр уйгуров Казахстана» (республиканский статус) РНН: 600700527610 № счета: kz 58826 A1kzTD 2015035 БИК: ALMNKZKA филиал AO «АТФБанк» в г. Алматы кбе:       18 Назначение платежа: помощь пострадавшим от паводка Южно-Казахстанской области.