- Җәмийәтлик тәшкилатларда
- 28 Мамыр, 2018
Алимлар кеңишигә йеңи рәис сайланди
Рашидәм МИРЗӘХМӘТОВА,“Уйғур авази”/ Җумһурийәтлик Уйғур этномәдәнийәт мәркизиниң новәттики кәңәйтилгән мәҗлисидә биология пәнлириниң доктори, профессор Мәсимҗан Веләмов мәркәз йенидики Алимлар кеңишиниң рәиси болуп сайланди.Мәсимҗан Турсун оғлини қисқичә тонуштуруп өтсәк, у Әмгәкчиқазақ наһийәсиниң Маливай йезисида туғулған. Мошу жуттики оттура мәктәпни тамамлиғандин кейин Алмутидики зоотехника вә ветеринария институтини қизил диплом билән тамамлиған. Намзатлиқ диссертациясини – Москвада, докторлуқ диссертациясини Астанада муваппәқийәтлик яқлиған. Биотехнология, иммунобиотехнология, таам бехәтәрлиги бойичә хәлиқара дәриҗидики мутәхәссис. Бүгүнки күндә Қазақ қайта ишләш вә озуқ-түлүк санаити илмий-тәтқиқат институтида Биотехнология, сүпәт вә озуқ-түлүк бехәтәрлиги лабораториясини башқуруп кәлмәктә. Нурғунлиған һөкүмәтлик вә хәлиқара мукапатлар билән тәғдирләнгән.
Жуқурида тәкитлигинимиздәк, исми елимиздила әмәс, униң сиртиғиму тонулған алим Мәсимҗан Веләмовниң өзигә жүкләнгән вәзипә һөддисидин муваппәқийәтлик чиқидиғанлиғиға үмүтимиз зор.
930 рет
көрсетілді0
пікір