- Мәшъәл
- 20 Наурыз, 2024
Йезидики мәйрәмлик кәйпият
Һазир елимиздә Норуз мәйрими кәң нишанлиниватиду. Бу җәһәттин бизниң Чоң Дехан йезисиму истисна әмәс. Болупму З.Батталханов намидики мәктәп коллективиниң тәшәббуси билән көплигән мәйрәмлик чарә-тәдбирләр уюштурулди. «Наурызнама» декадисиниң Миллий қәдрийәтләр күни тәҗрибилик устаз Гүлстан Авакриеваниң йетәкчилигидики 1-синип оқуғучилириниң «Мәрһәба, Норуз» мавзусида очуқ синип саати өтти.
— Бу чариниң асасий мәхсити – яш әвлатқа Норуз мәйрими һәққидә кәң чүшәнчиләр бериш. Миллий қәдрийәтләр, миллий оюнлар, урпи-адәтләрни вә достлуқ, өмлүкни тәшвиқ қилиш. Дәрискә ата-аниларниму тәклип қилдуқ. Оқуғучилар, ата-анилар миллий кийимләрни кийип, Норуз мәйриминиң алаһидиликлирини көрсәтти, — дәйду Гүлстан Ребиққизи.
Әнди Миллий кийим күни болса, жутумиз алаһидә хошаллиққа бөләнди. Бу күни жут мөтивәрлири, муәллимләр, оқуғучилар миллий кийимләрдә йезимиз кочилирини арилап, нахша-сазлар иҗра қилип, барлиқ жутдашлиримизға мәйрәмлик кәйпият һәдийә қилди. Шундақла Йеңилиниш күни яшлиримиз тәшәббуси билән һәм өтмүштин келиватқан әнъәнилиригә мувапиқ мәктивимиз беғиға көчәтләр тикилди.
Илия ҚИЯСОВ,
З.Батталханов намидики мәктәпниң иҗтимаий-педагоги
Алмута вилайити,
Уйғур наһийәси
67 рет
көрсетілді0
пікір