• Асасий мақалилар
  • 16 Наурыз, 2018

Миллий Ассамблея рәиси билән учрашти

Қазақстан Президенти Нурсултан Назарбаев Корея Җумһурийити Миллий Ассамблеясиниң рәиси Чон Се Гюн билән учрашти. Дөләт рәһбири Қазақстан билән Җәнубий Корея оттурисида сода-ихтисадий мунасивәтләрниң тәрәққий етиватқанлиғини тәкитлиди вә уларни техиму чоңқурлитишқа мәнпийәтдар екәнлигини билдүрди.Қазақстанниң Сизниң мәмликитиңиз билән наһайити яхши мунасивәтләр қелиплашқан. Мәмликәтлиримиз оттурисидики товар муамилисиниң көләми тәхминән 2 миллиард долларни тәшкил қилиду. Силәрниң товарлириңларниң бизниң логистикилиқ терминалимиз ишләватқан Ляньюньган порти арқилиқ келишиму иҗабий әһвал. Қазақстан йеңи вә рәқәмлик технологияләр, индустрияләштүрүш, медицина саһалирида вә башқа йөнилишләрдә Корея билән һәмкарлиқни йолға селишни нийәт қиливатиду, – деди Қазақстан Президенти. Униңдин ташқири Дөләт рәһбири Қазақстан вә Корея Җумһурийитиниң парламентларара мунасивәтлирини күчәйтиш вә тәрәққий әткүзүшниң муһим екәнлигигә диққәт ағдурди. Чон Се Гюн Нурсултан Назарбаевқа учришип, иккитәрәплимә мунасивәтләр мәсилилирини муһакимә қилиш имканийитини яратқанлиғи үчүн миннәтдарлиқ билдүрди. Миллий Ассамблея рәиси Астананиң сүръәтлик тәрәққий етиватқанлиғини тәкитлиди вә Қазақстанда болуп өткән аләмшумул чарә-тәдбирләргә – «ЭКСПО-2017» Хәлиқара ихтисаслаштурулған көргәзмисигә вә ХХVIII Дуниявий қишлиқ Универсиадиға жуқури баһа бәрди. Чон Се Гюн иккитәрәплимә алақилар тәрәққиятиниң стратегиялик характерға егә екәнлигини тәкитләп, Кореяниң «Қазақстан-2050» Стратегиясиниң мәхсәтлирини қолға кәлтүрүш ишида Қазақстанға шерик болушқа тәйяр екәнлигини билдүрди. Миллий Ассамблея рәиси өткән әсирниң 30-жиллирида Қазақстанға мәҗбурий көчирилгән корейларға ярдәм қилғанлиғи вә қоллап-қувәтлигәнлиги үчүн мәмликитимиз хәлқигә миннәтдарлиқ билдүрди. Чон Се Гюн шундақла Қазақстан Җумһурийити Парламенти Мәҗлисиниң рәиси Нурлан Ниғматулин билән өткүзгән учришиш нәтиҗилири вә икки мәмликәт парламентарийлири оттурисида һәмкарлиқ тоғрилиқ келишимниң имзаланғанлиғи һәққидә сөзләп бәрди.

81 рет

көрсетілді

0

пікір
Алдыңғы мақала Әһмийити зор тәшәббуслар
Келесі мақала Ишәнчигә асасланған шериклик

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы