• Асасий мақалилар
  • 31 Мамыр, 2018

Агентлиқ рәиси һесават бәрди

Нурсултан Назарбаев Дөләт хизмити ишлири вә коррупциягә қарши туруш агентлиғиниң рәиси Алик Шпекбаевни қобул қилди. Учришиш давамида Дөләт рәһбиригә агентлиқ тәрипидин дөләт хизмити саһасида жүргүзүлүватқан ишлар вә коррупциягә қарши туруш бойичә көрүлүватқан чариләр тоғрилиқ һесават берилди. Нурсултан Назарбаевқа шундақла дөләт хизмитидә һәқ төләшниң факторлуқ-баллиқ системисини җарий қилиш бойичә синақ лайиһисини әмәлгә ашурушниң кетип бериши тоғрилиқ әхбарат берилди. Қазақстан Президенти коррупциягә қарши күрәшниң нәтиҗидарлиғини ашурушниң муһим екәнлигигә диққәт ағдурди вә тегишлик алдини елиш чариләрни жүргүзүшниң мәхсәткә мувапиқ екәнлигини атап көрсәтти. – Барлиқ саһаларда коррупциягә қарши күришиш ишини күчәйтиш зөрүр. Биринчидин, тегишлик мониторинг жүргүзүш вә дөләт хизмәтлирини рәқәмлик шәкилгә көчириш бойичә паалийәтни давамлаштуруш керәк. Иккинчидин, дөләт хизмәтчилириниң иш һәққи мәсилисини һәл қилиш шәрт. Үчинчидин, рәһбәрликниң җавапкәрлигини ашуруш муһим, – деди Дөләт рәһбири. Учришиш давамида Алик Шпекбаев шундақла коррупциягә қарши сәясәтни әмәлгә ашуруш бойичә көрүлүватқан чариләр вә хәлиқара экспертлар бирләшмисиниң уни баһалишиниң нәтиҗилиридин хәвәрдар қилди. Нурсултан Назарбаев учришиш йәкүни бойичә бирқатар ениқ тапшурмиларни бәрди.

70 рет

көрсетілді

0

пікір
Алдыңғы мақала Нәтиҗиләр чиқирилип, реҗиләр бәлгүләнди
Келесі мақала Саммит һарписида

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы