• Хуш хәвәр
• 01 Желтоқсан, 2021

“Муқағали” мукапатқа егә болди

Режиссер Болат Қалымбетовниң “Муқағали” намлиқ бәдиий фильми Таллинда өткән “Қараңғу түнләр (PЦFF) ” феcтивалида мәхсус мукапатқа егә болди. Фестивальни уюштурғучилар өткән шәнбә күни “Эстония” концерт залидики мукапатлаш мәрасимида шу һәқтә елан қилди.
“Фильмниң шеирий тили вә визуаллиқ байлиғи әң сезимтал мавзуларни инсан қәлби тилиға көчиришкә мүмкинчилик бериду. Фильм һәқиқий роһий қәдир-қиммәтни мәдһийиләш ишигини ачиду”, ­дәп билдүрди экуменикилиқ жюри әзалири. Униң тәркивигә Эстония диний тәшкилатлириниң вәкиллири киргән.
Тонулған қазақ шаири Муқағали Мақатаевниң 90 жиллиғиға беғишланған “Муқағали” фильми униң һаятиниң ахирқи күнлири һәққидә һекайә қилиду. Мәзкүр фильм Қазақстан Җумһурийити Мәдәнийәт вә спорт министрлигиниң буйрутмиси бойичә, Ш.Айманов намидики “Қазақфильм” киностудияси тәрипидин чүширилгән. Сценарий муәллипи ­– ­тонулған қазақ язғучиси Жүсипбек Қорғасбек, режиссерлар ­– Болат Қалымбетов вә Ғәзиз Насиров. Фильм Қазақстан прокатиға 21-октябрьда чиққан.
“Экуменикилиқ жюри мукапити” – мустәқил киномукапат. У 1973-жилдин тартип һәрхил хәлиқара кинофестивальларда тапшурулиду. Мукапат христиан кино чүшириш маһирлири, кинотәңқитчиләр вә кинематографқа мунасивити бар башқиму мутәхәссисләр тәрипидин қурулған. У фильмниң һәм бәдиий сүпити, һәм диний, и­­җтимаий вә инсанпәрвәрлик проблематикиси үчүн тапшурулиду.