• Әхбаратлар еқими
• 13 Ақпан, 2015

ТӘЗИЙӘ ТЕЛЕГРАММИСИНИ ӘВӘТТИ

Нурсултан Назарбаев көрнәклик язғучи Герольд Бельгерниң вапат болуши мунасивити билән мәрһумниң аилисигә тәзийә телеграммисини әвәтти.Дөләт рәһбири тәзийә билдүрүп, язғучиниң вапат болғанлиғи тоғрилиқ хәвәрни чоңқур қайғуруп қобул қилғанлиғини тәкитлиди. Бу пүткүл Қазақстан мәдәнийитиң үчүн чоң җудалиқ. «Герольд Карловичниң Қазақстанға болған чәксиз муһәббити билән суғирилған һаяти һәқиқий вәтәнпәрвәрликниң үлгиси болуп һесаплиниду. Униң иҗадий мираси мәдәнийитимизниң бебаһа байлиғиға, мурәккәп һаят йолидики жуқури мәнивий-әхлақий  принциплири һәр дәвирниң әвлатлириға илһам бәргүчи нишанға айланди», дәп тәкитлиди Президент. Телеграммида шундақла Герольд Бельгерниң өз иҗадийити биләнла әмәс, бәлки әҗайип инсаний сүпәтлири, һаятий ишиға болған иҗдиһатлиғи билән әстә қалғанлиғиға диққәт ағдурулған. У мәмликәтниң җәмийәт һаятиға паал қатнашти, униң иши вә ой-нийәтлири болса, һәрқачан течлиқ, изгүлүк вә мәнивийликниң ғайилиригә қаритилған. «Герольд Карловичниң хизмити жуқури баһалинип, у дөләт мукапатлириға еришти, Президентниң течлиқ вә роһий разимәнлик мукапитиниң лауреати болди. Униң парлақ хатириси қазақстанлиқларниң қәлбидә мәңгү сақлиниду» дейилиду телеграммида.