- Әхбаратлар еқими
- 19 Ақпан, 2015
«Ассамблея йоли» Алмутини айлинип жүриду
Қазақстан хәлқи Ассамблеясиниң жилиға мунасивәтлик Алмутида өтүватқан «Ассамблея йоли» намлиқ мәрасим бир ай давамида җәнубий пайтәхтниң Наурызбай наһийәсидә давам қилди. Хәлиқләр достлуғи мавзусидики ахирқи мәрасим мәзкүр наһийәниң «Алатау» санаториясидә өтти.Мәрасимни наһийә һакими Қуанышбек Қашкимбаев ечип, бир ай давамида мәзкүр чарә-тәдбирни өткүзүшкә ат селишқан наһийәдики миллий этномәдәнийәт мәркәзлиригә өзиниң миннәтдарлиғини изһар қилди. Кейин у «Ассамблея йоли» намлиқ эстафета китавини Қазақстан хәлқи Ассамблеясиниң Алмута шәһәрлик кативатиниң рәһбириМаргарита Абдалиеваға (сүрәттә оттурида) тапшурди. Мәзкүр мәрасимға иштрак қилған шәһәр һакиминиң орунбасари Зауреш Аманжолова қатнашқучиларни достлуқ мәйрими билән тәбриклиди. Шундақла у наһийәдики ялғуз уруш ветерани, 90 яшлиқ Файзлихат Нуриллиновқа телевизор соға қилди.
Шуниңдин кейин новәт сәнъәткарларға берилип, һәрхил милләтләрниң вәкиллири өз һүнәрлирини намайиш қилди. Уйғурлар намидин сәһнигә көтирилгән Қазақстанниң хизмәт көрсәткән артисти Марат Мәмәтбақиевниң иҗрасидики «Анашым» нахшисини залдикиләр җор болуп биллә ейтти.
Бәхтишат СОПИЕВ.
782 рет
көрсетілді0
пікір