- Әхбаратлар еқими
- 25 Наурыз, 2016
Телефон арқилиқ сөзләшти
Нурсултан Назарбаев Авғанстан Ислам Җумһурийитиниң Президенти Муһәммәд Ашраф Ғани билән телефон арқилиқ сөһбәтләшти. Авғанстан тәрәпниң тәшәббуси билән өткүзүлгән сөһбәт давамида Муһәммәд Ашраф Ғани Дөләт рәһбирини Норуз мәйрими мунасивити билән тәбриклиди вә Қазақстан хәлқигә гүллиниш һәм паравәнлик тилиди.Авғанстан рәһбири шундақла Қазақстан Президентини новәттин ташқири Парламент Мәҗлиси сайлиминиң утуқлуқ өткүзүлүши биләнму тәбриклиди.
Президентлар Авғанстан Президентиниң 2015-жили ноябрьда Қазақстанға қилған дәсләпки рәсмий сәпириниң йәкүни бойичә қолға кәлтүргән келишимләрни әмәлгә ашурушниң зөрүр екәнлигини тәкитлиди.
Униңдин ташқири тәрәпләр регионлуқ бехәтәрликни тәминләш мәсилилирини муһакимә қилди. Нурсултан Назарбаев Қазақстанниң Авғанстанни әслигә кәлтүрүшкә күч чиқиришни давамлаштурушқа тәйяр екәнлигини тәстиқлиди. Шуниңға бағлиқ тәрәпләр көптәрәплимилик қурулумлар, җүмлидин ШҺТ даирисидики өзара һәрикәтниң дәриҗисигә қанаәтлинидиғанлиғини билдүрди.
649 рет
көрсетілді0
пікір