• Әхбаратлар еқими
• 17 Наурыз, 2017

Билетлар чоң шәһәрләрниң һәммисидә сетилиду

Астана вә Алмута шәһәрлиридин кейин март ейиниң ахириға қәдәр мәмликитимизниң барлиқ чоң шәһәрлиридә ЕХРО-2017 көргәзмисигә билетларни сетиш кассилири ечилиду, дәп хәвәр қилиду «Астана ЭКСПО – 2017» миллий ширкитиниң мәтбуат хизмитидә. Умумән, мәзкүр мәрасимға 3,5 миллион билет сетиш тәхмин қилинмақта.Һәрбир шәһәрдики чоң сода өйлири билетларни сетиш мәркәзлиригә айлиниду. Йеқинда Павлодар, Өскәмән, Қариғанда, Көкчетав, Пертропавловск, Талдиқорған, Тараз, Чимкәнт вә Қизилорда шәһәрлиридә билетларни сетиш кассилириниң рәсмий ечилиш мәрасимлири өтти. Буниңдин бираз илгири Қазақстан пайтәхтидә өтидиған «ЭКСПО-2017» билетлири мәзкүр көргәзмә тарихидики әң әрзән билетлар дәп тепилған еди. Көргәзмигә кириш билетиниң баһаси төрт миңдин сәккиз миң тәңгигичә бәлгүләнгән. Шуниң билән биллә Улуқ Вәтән урушиниң қатнашқучилириға вә накалириға, имтиязлири уларниңкигә тәңләштүрүлгән шәхсләргә, барлиқ топтики накаларға, житим балиларға вә алтә яшқичә болған балиларға билетлар һәқсиз берилсә, мәктәп оқуғучилири, студентлар вә пенсионерлар уларни йерим баһаға сетивалалайду.