• Хәйрихаһлиқ
  • 17 Қазан, 2018

Тәдбирчан ханим-қизлар билән үч күн

Алмута вилайәтлик «Атамекен» тиҗарәтчиләр палатиси Панфилов наһийәлик шөбисиниң мудири Еркин Қарагушинов, Панфилов наһийәлик Тәдбирчан ханим-қизлар кеңишининиң рәиси Сүрийәм Һезимованиң тәшәббуси, Панфилов наһийәсиниң һакими Темирлан Бектасовниң қоллап-қувәтлиши билән наһийәдики ишбиләрмән ханим-қизлардин тәркип тапқан «Мейірім» карвини үч күн давамида наһийәни арилап, йеза-авуллардики тәминати начар, көпбалилиқ, баққучисидин айрилған адәмләргә хәйрихаһлиқ көрсәтти. Гөһәрбүви ИСМАЙИЛҖАНОВА, «Уйғур авази» «Мейірім» карвини Қоңурөлән йеза округидин башланди. У йәрдики ярдәмгә муһтаҗ тоққуз аилиниң һәрқайсисиға 30 килограмдин озуқ-түлүк мәһсулатлири: ун, май, чай, гүрүч вә башқиму йемәк-ичмәкләр ианә қилинди. Андин у Алмалы йеза округида давамлишип, округ һакими Серик Медетбеков меһманларни йеза нәпәсидин хәвәрдар қилди. Сүрийәм Һезимова билән тиҗарәтчи Балшекер Жапишова елимиз Президентиниң Қазақстан хәлқигә йоллиған новәттики Мәктүби бойичә өз пикирлири билән ортақлашти. Пәнҗим йеза округида болған бу хилдики учришишта көпбалилиқ ана Айимбүви Әбижанова билән Ғалибийәт Сейитхан, Һасан Әмирчаев тапқининиң бир бөлүгини муһтаҗларға сәрип қиливатқан ишбиләрмән аялларға иллиқ тиләклирини ейтишти. Чулуқай йеза округиниң һакими Тайирҗан Әсмитуллаевниң һозурида өткән баш қошушқа округтики көпбалилиқ сәккиз аилә кәпту. Уларму өзлиригә тегишлик “соғилирини” алди. Шундақла мәзкүр акция наһийәдики Алтөй, Чоң Чиған, Яшкәнт, Сарибәл вә Талди йеза округлирида болуп өтти. – Қазақстанда кичик вә оттура тиҗарәтни тәрәққий әттүрүшкә алаһидә көңүл бөлүнүватиду, – дәйду мәзкүр акцияниң тәшәббускари Сүрийәм Турған қизи. – Дөләт рәһбири Нурсултан Назарбаев бу мәсилини диққәт мәркизидин чүшәрмәй, тиҗарәтниң кәң қанат йейип, риваҗлинишиға чоң әһмийәт бәрмәктә. Шу җүмлидин һәр жилқи Мәктүплиридә бу һәқтә тәкитләп кәлмәктә. Мошу йәрдә кичик тиҗарәтниң әвлаттин-әвлатқа берилидиған аиләвий әнъәнигә айлиниши керәклигиниму ениқ атап көрсәтмәктә. Наһийәлик ишбиләрмән ханимлар әйнә шундақ аиләвий тиҗарәтни тәрәққий әткүзүш йолида әстаидил әмгәк қиливатиду. Пурсәттин пайдилинип, аһалиниң маддий ярдәмгә муһтаҗ қатламлириға яр-йөләк болуштәк хәйирлик иштин чәттә қалмайватқан ханимларға миннәтдарлиғимни изһар қилмақчимән. Наһийә һакими Темирлан Бектасовниң қоллап-қувәтлиши билән мәхсус машина бөлүнүп, җәми 71 аилигә халисанә ярдәм көрсәттуқ. Беваситә наһийәдики ишбиләрмән аялларға келидиған болсақ, буниңдин алтә жил илгири тәшкил қилинған кеңәш әзалириниң сани жилдин-жилға өсмәктә. Биз жуқурида тәкитлигәндәк, аиләвий тиҗарәттә Маһинур Аюпова, Балшекер Жапишова, Роза Хайбуллина, Улбосын Аманбаева, Раушан Садиқова вә башқиму ханимлар өз аилисидин башқа һәрбири 20 – 30 адәмни иш билән тәминләватиду. Шундақ екән, жилдин-жилға қатаримиз өсмәктә. Әң әвзили, тапқинимизниң бир қисмини мошундақ изгү ишларға хәшләп, хәлиқниң алқишиға еришиватимиз. Панфилов наһийәси.

716 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы