• Әхбаратлар еқими
• 01 Тамыз, 2019

«Бірге – Таза Қазақстан» җумһурийәтлик акцияси

Рашидәм РӘҺМАНОВА, «Уйғур авази» Һазир елимиздә «Бірге – Таза Қазақстан» җумһурийәтлик акцияси елан қилинди. Мәзкүр акциягә Әмгәкчиқазақ наһийәсиниң мәркизи – Ишиктә шәһиридин вә 25 йеза округидин 1 500 адәм вә 20 техника қатнишип, өз үлүшини қошти. Умумән 13 гектар мәйдандин 150 тонна әхләт жиғилип, мәхсус орунларға йәткүзүлди. Әхләтниң нурғуни көплигән адәмләрниң чәттин келип, дәм алидиған Йешилкөл (Иссык) вә Түргүн сейи йолиниң әтрапиға тәәллуқ. Уларниң нурғун қисмини пластикилиқ бутылкилар билән пакетлар тәшкил қилиду. Мәлумки, улар жиллар өтсиму, чирип кәтмәй, бәлки әтрапқа зәһәрлик газларни тарқитиду. Акциягә иштрак қилған яшлар тәңтушлирини әтрап муһитниң тазилиғиға бепәрва қаримай, тазилиқ акциялирини пат-пат уюштуруп турушқа чақирди. Әмгәкчиқазақ наһийәси.