• Әхбаратлар еқими
• 10 Наурыз, 2021

Нураний аниларни тәбриклиди

Дунияда аниларниңкидин улуқ муһәббәт йоқ. Мана әшундақ меһир-муһәббити арқилиқ бир қоли билән бөшүкни, йәнә бир қолида аләмни тәвритидиған анилиримизниң мәйрими һәр җайда дағдуғилиқ нишанланди. Шу җүмлидин Ғәйрәт йезисидиму сәксән яштин алқиған өмүр атлиқ мусапиниң қәһриманлири – момиларға һөрмәт көрситилип, илтипатқа бөлиди. 
Бу күни қуяшму күлүп чиқти. Барлиғиниң чеһридә тәбәссүм. Йезимизниң бир топ яшлири қоллириға гүлдәстилири билән соғилирини тутуп, Ризван Турғанова, Турсунбүви Илиясова, Хасийәтбүви Турғанова, Турахан Мәрүпова вә башқиму нураний аниларни өйлиригә берип, мәйрими билән тәбрикләп, уларниң дуалирини елип қайтти. 
Жигитбеши Руслан Иминов, Ханим-қизлар кеңишиниң рәиси Хусийәт Баһапова вә яшлар кеңишиниң вәкиллири башлиған топ пасибанлиримизни тәбрикләп болуп, жутдарчилиқ ишлирида паалийәтчанлиқ көрситиватқан ханим-қизларғиму һөрмәт билдүрүп, атиған соғилирини һәдийә қилди. 
Өз новитидә мома вә анилиримиз өзлиригә алаһидә һөрмәт билдүрүп, бешини көккә йәткүзгән жут җанкөйәрлиридин рази болуп, ишлириға утуқ тилиди.

Абдулҗан АЗНИБАҚИЕВ.
Әмгәкчиқазақ наһийәси.

СҮРӘТТӘ: жут активистлири Т.Мәрүпова билән.