- Әхбаратлар еқими
- 18 Наурыз, 2021
Он бир оқуғучи ғалип чиқти
Онлайн-оқушқа өткәндин буян оқуғучиларниң билими һәм қабилийитини таразиға салидиған һәрхил конкурсларму онлайн- форматта өтүшкә башлиди. Җүмлидин мәктәп оқуғучилири үчүн чоң әһмийәткә егә вилайәтлик олимпиадиға бийил Уйғур наһийәсидин җәми қириқ нәпәр оқуғучи қатнашти.
Сабирәм ӘНВӘРОВА,
«Уйғур авази»
Онлайн-олимпиадиниң нәтиҗиси бойичә он бир оқуғучи алдинқи үчлүктин көрүнди. Атап ейтсақ, химия пәни бойичә Түгмән уйғур оттура мәктивиниң оқуғучиси Рафхат Йолдашев билән 5-Чонҗа оттура мәктивиниң оқуғучиси Камиләм Абдуллаева үчинчи орунға, биология пәни бойичә Қирғизсай оттура мәктивиниң оқуғучиси Инабат Дәулетхан, 5-Чонҗа оттура мәктивиниң оқуғучиси Камиләм Әсқәрова вә 1-Чонҗа оттура мәктивиниң оқуғучиси Гүлназ Закирҗанова иккинчи орунға егә болса, информатика пәни бойичә 2-Ж.Қудайбергенов намидики мәктәп оқуғучиси Бахтияр Байзаков билән 1-Чонҗа оттура мәктивиниң оқуғучиси Ислам Тохтахунов үчинчи орунға сазавәр болди. 4-Чонҗа оттура мәктивиниң оқуғучиси Данагүл Әхмәдиева, Кичик Ақсу мәктивидин Дилназ Әсқәрҗанова қазақ тили пәнидин, 1-Чонҗа оттура мәктивиниң оқуғучиси Тәхмина Сәйдалимова рус тили пәнидин, Ж.Қудайбергенов намидики 2-оттура мәктәпниң оқуғучиси Айзере Жартыбай һоқуқ пәнидин үчинчи орунға муйәссәр болди.
405 рет
көрсетілді0
пікір