• Әхбаратлар еқими
• 10 Маусым, 2021

Миллий кийимләрдә сүрәткә чүшти

Қазақстанлиқ блогер Амина Нуртаза вә россиялик видеоблогер Карина Кросс бирләшкән фотосессия уюштурди. Амина рус хәлқиниң миллий кийимлиридә, Карина болса, қазақ хәлқиниң миллий кийимлиридә сүрәткә чүшти. 
 Тәкитләш лазимки, Амина Нуртазаниң Instagram сәһиписидә 3,6 миллион муштири бар. Россиялик нахшичи вә видеоблогер Карина Кроссниң болса, 10 миллиондин ошуқ муштири бар екән. 
«Мана Карина иккимиз мошундақ образларда фотосессия уюштурдуқ. У хошаллиқ билән бизниң миллий кийимлиримизни кийип көрди. Маңа болса, рус кокошниги вә рус хәлқиниң миллий көйниги наһайити яқти. Карина аддий, очуқ, хушхой қиз екән. Тонушқинимға хурсән болдум», дәп язди Амина өзиниң Instagram сәһиписидә.
Россиялик аммибап видеоблогерму өз новитидә Амина вә униң йолдиши Нурбекқа өз миннәтдарлиғини изһар қилди. 
 Икки блогерниң бу әмгиги ишқивазлири арисида қизған қарши елинди. Улар өзлириниң иллиқ тиләклирини изһар қилип, комментарийлар қалдурмақта.