- Әхбаратлар еқими
- 10 Маусым, 2021
400 килограмм зак мусадирә қилинди
Алмутида полиция хадимлири кафеларниң биридә закни (саксаул) қанунсиз пайдиланған фактни ениқлиди. Кафе егилири закни кавап пишириш үчүн пайдиланған екән. «Дөләт орман фондиниң участкилиридики зак көчәтлирини кесишни мәнъий қилиш тоғрилиқ» һөҗҗәткә мувапиқ, 2000-жилларниң башлирида закни кесиш мәнъий қилинған һәм бу һөҗҗәт күчи 2023-жилғичә узартилған.
— Зак Қизил китапқа киргүзүлгән дәрәқ. Җинаий кодексниң 339-бабида йоқап кетиш алдида турған кам учрайдиған, қоллинишқа мәнъий қилинған өсүмлүкләр вә һайванатларни пайдиланғанлиғи үчүн 3 миң айлиқ һесап көрсәткүчи көләмидә җәриман селиш яки 3 жилға әркинлигидин айриш көрситилгән, — дәп тәкитлиди Алмута шәһәрлик полиция департаменти Йәрлик полиция хизмити башқармисиниң рәһбири полиция полковниги Манап Саттаров.
Кафедин 418 килограмм зак мусадирә қилинди. Сот алдидики тәргәв ишлири башланди. Әгәр қанунға хилаплиқ қилғанлиғи дәлилләнсә, кафе егисигә 7 миң айлиқ һесап көрсәткүчи көләмидә җәриман селиниду яки баш әркинлигидин айрилиду.
303 рет
көрсетілді0
пікір