• Әхбаратлар еқими
• 10 Маусым, 2021

Ислам қамуснамиси йоруқ көриду

Елимиздә баш муфти Наурызбай һаҗи Тағанулыниң рәһбәрлиги билән Ислам қамуснамиси йоруқ көриду. Бу һәққидә Өскәмәндә өтүватқан Қазақстан мусулманлири диний башқармиси кеңишиниң ХХХ мәҗлисидә елан қилинди.
 Кеңәш ишиға қатнашқан атақлиқ алим М.Әвезов намидики Әдәбият вә сәнъәт институти қедимий дәвир әдәбияти вә түркология бөлүминиң рәһбири, филология пәнлириниң намзити, доцент Төрәли Қыдыр ислам қамуснамисиниң мәзмуни вә концепцияси һәққидә тәпсилий ейтип өтти. 
«Қамуснамә алфавитлиқ көрсәткүч бойичә тәйярланди. Биринчи томға ислам тоғрилиқ мақалә киргүзүлгән. Һәрбир томға 3500гә йеқин сөз кириду. Китапта шәхсләрниң вә географиялик мәлуматларниң сүрәтлириму берилгән. Һәрбир том 560 — 640 бәттин туриду. Жиғилған материалларға қарап ислам қамуснамиси 4-5 том болиду», деди Төрәли Қыдыр.
Мәҗлистә өлималар тәрипидин мәзкүр китапқа мунасивәтлик тәклипләр вә пикирләр ейтилди. Баш муфти Наурызбай һаҗи Тағанулы ислам қамуснамисини сүпәтлик чиқириш үчүн муһим мәлуматларни топлашниң әһмийитини алаһидә қәйт қилди.
Қошумчә қилсақ, ислам қамуснамисини чиқириш ишиға Шәмшидин Керим, Мухан Исахан охшаш алимлар қатнишиду. Баш муфти мусулманлар үчүн әһмийәтлик бу китапниң биринчи томини имканқәдәр тез йезип чиқишни тапшурди.