• Әхбаратлар еқими
  • 21 Шілде, 2021

Депутатлар хәлиқ арисида

Өткән сешәнбә күни Қазақстан Җумһурийити Мәҗлисиниң депутатлири Жанна Тельпекбаева билән Жанарбек Әшимжан Уйғур наһийәсигә қәдәм тәшрип қилип, наһийәниң нәпәси билән йеқиндин тонушти. Депутатларға Алмута вилайәтлик мәслиһитиниң кативи Жанболат Жөргенбаев һәмра болди. 

Сабирәм ӘНВӘРОВА,
«Уйғур авази»

Иш бабидики сәпирини Кәтмән йезисидин башлиған депутатлар авал композитор Сәдиқожа Мошаноғлиниң һөрмитигә қоюлған һәйкәлни көрүп, андин заманға лайиқ мурәккәп җөндәштин өткән йезилиқ Мәдәнийәт өйигә барди. Йеңичә түс алған Мәдәнийәт өйидә һазир он адәм хизмәт қилиду. Мәдәнийәт өйиниң заманға лайиқ җөндилип, қайтидин ишқа қошулғанлиғидин хурсән болған турғунлар дәсләпки қәдимини Кәтмән йезисиға ташлиған депутатларға миннәтдарлиғини билдүрди. Бу йәрдин чиққан топ Чонҗа-Ғалҗат таш йолиниң бойиға җайлашқан қуш фабрикисини зиярәт қилди. Йүзлигән адәмниң иш билән тәминлишигә түрткә болған фабрика рәһбәрлири хәлиқ вәкиллирини иллиқ қарши елип, кархана нәпәси вә иш җәрияни билән тонуштурди. Бу йәрдә санаәт орунлириниң ишиға тосалғу болидиған баһа турақсизлиғи вә қиммәтчилик мәсилилири оттуриға қоюлди. Наһийәниңла әмәс, елимизниң ихтисадий тәрәққиятиға зор үлүш қошуватқан мәзкүр фабрикиниң паалийитигә утуқ тилигән депутатлар моҗут проблемиларниң һәл болушиға чоқум күч чиқиридиғанлиғини ейтип, сәпирини давамлаштурди.
Өз новитидә, наһийә мәркизиси Чонҗа йезисидики йеңидин һули тиклиниватқан атмиш пәтирлик өйниң қурулушини көздин кәчүргән хәлиқ вәкиллири дөләт бюджетидин бөлүнгән мәбләғниң тәләпләргә мувапиқ  хәшлинишини, көпқәвәтлик өйниң сүпәтлик селинип, кечикмәй пайдилинишқа берилишини назарәт қилидиғанлиғини ейтип, қурулуш мәйданидики бирқатар камчилиқларни әскәртти. Ениғариғи, қурулуш ишлириниң планға лайиқ әмәлгә ашурулмайватқанлиғини, әгәр әһвал мошундақла давамлашса, объектниң бәлгүләнгән қәрәлдә пайдилинишқа берилмәй қелишиниң еһтималдин жирақ әмәслигини қәйт қилди. Иш сәпәрниң ахири Nur Otan партияси наһийәлик шөбисиниң җәмийәтлик қобул қилиши билән аяқлашти. Йәрлик турғунлар шәхсий һәм җәмийәткә ортақ муһим мәсилилири бойичә сөз қозғап, депутатлардин ярдәм сориди. 
Хулләс, ейтилған мәсилиләрниң етиварсиз қалмайдиғанлиғиға ишәндүргән хәлиқ вәкиллири наһийәдики бир түркүм проблемиларни ениқлапла қалмай, тәвәниң ахирқи вақитларда қолға кәлтүргән утуқлиридинму хәвәр тепип қайтти. Алмута вилайәтлик мәслиһәтниң кативи Жанболат Жөргенбаев башлиған топ камчилиқтин яхшилиқниң нурғун болуши үчүн хизмәт қилишимиз керәклигини ейтип, хошна наһийәгә қарап йолға чиқти. 

265 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы