• Әхбаратлар еқими
• 01 Желтоқсан, 2021

«Қазақстан» исимлиқ 24 адәм бар

Қазақстанда «Қазақстан» исимлиқ 24 адәм яшайду. Мундақ исимлиқ адәмләр Ақмола вилайити билән пайтәхттә – һәрбиридә алтидин – көп яшайдекән.
 Улардин ташқири Қариғанда вилайитидә — төрт, Қостанай вилайитидә — үч, Чимкәнт шәһиридә — икки, Алмута, Ғәрбий Қазақстан вә Маңғыстав вилайәтлиридә бир-бирдин «Қазақстан» яшаватиду.
 Шундақла мәмликәт турғунлири пәрзәнтлириниң исимлирини җумһурийәтниң чоң шәһәрлириниң шәрипигиму атаватиду. Мәсилән, Қазақстанда  28 – «Семей», 21 – «Алмута», 18 – «Түркстан», 15 – «Атырав», 14 – «Тараз», 12 – «Қостанай», 11 – «Ақтав», 10 – «Нур-Султан», 3 – «Чимкәнт» һәм бир-бирдин «Ақтөбә» вә «Талдиқорған» исимлиқ адәмләр  истиқамәт қилиду.
 Мәлумки, 2021-жилниң 1-октябриға қәдәр мәмликәттә 19,1 миллион адәм яшиди. Бу бир жил илгәркигә қариғанда, 1,3 пайиз нурғун. Мәсилән, 2020-жилниң мошу вақтида елимиздә 18,8 миллион турғун яшиған еди. 
Регионлар бойичә алғанда, аһалиниң нурғун қисми (2,1 миллион адәм) Алмута вилайитидә истиқамәт қилиду. Түркстан вилайити аһалисиниң саниму 2,1 миллион адәмни тәшкил қилиду. Улардин кейин Алмута шәһири (2 миллион турғун) туриду. Мошу үч регионниң аһалиси мәмликәтниң барлиқ турғунлириниң үчтин бир қисмини тәшкил қилиду.