• Әхбаратлар еқими
  • 01 Желтоқсан, 2021

«Астана Опера» театрини зиярәт қилди

Қазақстан Җумһурийитиниң Тунҗа Президенти – Елбасы Нурсултан Назарбаев атақлиқ нахшичи Мария Мудрякниң «Сениң үчүн, мениң Қазақстаним!» намлиқ йәккә концерти өткән «Астана Опера» театрини зиярәт қилди. 
 Мәлумки, Мария Мудряк бала вақтида «Болашақ» программиси бойичә Миланда Алий музыка академиясидә билим алди. Андин кейин Дж. Верди намидики Дөләт консерваториясини утуқлуқ тамамлиди. У нурғунлиған хәлиқара конкурсларниң лауреати. Мария Мудряк қисқа вақитниң ичидила атақлиқ театрларниң сәһнисидә маһаритини көрситип, әң тәләп қилинидиған опера нахшичилириниң биригә айланди.
 Концерт Қазақстанниң Тунҗа Президенти Күнигә вә мәмликәт Мустәқиллигиниң 30 жиллиғиға беғишланди. Мәйрәмлик программиға шундақла баритон Владимир Стоянов (Болғария) вә «Астана Опера» театриниң симфониялик оркестри қатнашти. Дирижер – Альвизе Казеллати (Италия).
 Концерт программиси аяқлашқандин кейин Нурсултан Назарбаев Мария Мудряк билән сөһбәтләшти. Нахшичи Елбасыға иҗадий планлири тоғрилиқ ейтип бәрди. Мария Мудряк, җүмлидин Қазақстанда йәнә бирнәччә концерт қоюшни, шундақла Дуниявий ЭКСПО көргәзмисиниң меһманлири үчүн концерт уюштурушни планлаватқанлиғини хәвәр қилди.
 Тунҗа Президент, өз новитидә, опера нахшичисиниң кәспий маһаритиниң жуқури екәнлигини тәкитләп, униңға иҗадий утуқ тилиди. 

257 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы