• Әхбаратлар еқими
• 24 Ақпан, 2022

53 пайизни тәшкил қилди

Қазақстанда таҗсиман вирусқа коллективлиқ иммунитет дәриҗиси мәлум болди.
Саламәтликни сақлаш вице-министри – Қазақстанниң баш дөләт санитарлиқ врачи Айжан Есмағамбетова Қазақстанда таҗсиман вирусқа коллективлиқ иммунитет дәриҗисиниң 53 пайизни тәшкил қилғанлиғини хәвәр қилди.
– Қазақстанда 10 миллиондин ошуқ адәм таҗсиман вирус инфекциясигә қарши вакцина салди. Әгәр вакцина селиш керәк болған чоң яштики аһали сани тоғрилиқ гәп қилсақ, бу 82 пайиздин ошуқ, әнди коллективлиқ иммунитетқа кәлсәк, 53 пайиздин ошуқ, – дәп тәкитлиди Айжан Есмағамбетова.
У шундақла вакцина селишниң наһайити муһим екәнлигини тәкитлиди.
– Бизниң вәзипимиз пәқәт коллективлиқ иммунитетни вуҗутқа кәлтүрүштинла әмәс, шундақла униң дәриҗисини тутуп қелиштин ибарәт. Биз пәқәт қайта вакцина селиш арқилиқла коллективлиқ иммунитет дәриҗисини тутуп туралаймиз, – деди мәмликәтниң баш дөләт санитарлиқ врачи.