• Әхбаратлар еқими
  • 11 Мамыр, 2022

Җасарәт — мәңгүлүк!

Елимиздә “Январь вақиәси” дәп аталған паҗиәдә бузғунчиларниң касапитидин наһәқтин-наһәқ көплигән адәмниң өмри қийилди. Миллий бехәтәрлик комитети Чегара хизмитиниң Қордай чегара отрядида шәртнамә бойичә хизмәт қиливатқан Шавкәт Әрмидинов өзиниң һәрбий җәңгивар вәзиписини орунлаш пәйтидә паҗиәлик  һалак болди.

 Сабирәм ӘНВӘРОВА, 
«Уйғур авази»

10-январь күни бир топ җинайәтчи  чегара арқилиқ хошна дөләткә өтүп кәтмәкчи болған. Уларниң алдини тораш җәңгивар  вәзипини орунлаш пәйтидә капитан Ерзат Карменов билән қатардики җәңчи Шавкәт Әрмидинов қаза болди.
Шавкәт Шатлиқоғли Чоң Дехан йезисидики  оттура мәктәпниң 9-синипини тамамлап, 2015 — 2018-жиллар арилиғида “Алматы телекоммуникация және машина жасау” колледжида билим алған. 2020-жили 18-мартта Миллий бехәтәрлик комитети Чегара хизмитиниң Қордай чегара отрядиға шәртнамә бойичә хизмәткә елиниду. Вәтән алдидики борчини адил ада қилғини вә һәрбий саһаға киргүзгән йеңилиқлири үчүн  пәхрий ярлиқлар билән мукапатлиниду. Елимизниң течлиғи үчүн өмрини қийған батур жигит 11-январь күни Чоң Дехан йезисида йәр қойниға тапшурулди.
Президентимиз Қасым-Жомарт Тоқаевниң 2022-жилниң 30-апрельдики Пәрманиға бенаән, Шавкәткә “Жауынгерлік ерлігі үшін” медали берилди. 9-май күни наһийә һакими Шөһрәт Нурахунов жут алдида Шавкәт Әрмидиновниң аниси Қәлбинур Шәриповаға мәзкүр мукапатни тәнтәнилик рәвиштә тапшурди. Тәғдирниң язмиши билән медальни Шавкәтниң мәйдисигә есиш мүмкин болмиди. Лекин қәһриман оғланниң җасарити бизниң қәлбимиздә мәңгү сақлиниду.

444 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы