• Әхбаратлар еқими
• 22 Қыркүйек, 2022

Алма фестивали

“ALMA Fest” – бу Алмута үчүн әнъәнигә айланған шәһәр күнигә беғишланған он биринчи жиллиқ шәһәрлик фестиваль. Бу күни бизниң сөйүмлүк шәһиримизгә мәмликитимизниң башқа регионлиридинла әмәс, бәлки чәт әлләрдинму көплигән меһманлар келиду.
Бу жилқи фестиваль әнъәнә бойичә жәнубий пайтәхттики Тунҗа Президент паркида өтти. Мәзкүр җай көплигән шәһәр турғунлириниң әң сөйүмлүк орни. Әнди фестиваль күни болса, истираһәт беғи адәттикидинму җанланған. Паркта Алмутиға беғишланған нахшилар яңриди, һава райиму шәһәр турғунлириға мәйрәмлик кәйпият беғишлиди. Аилиләрниң көпчилиги балилири билән. Балиларниң көңүллүк дәм елиши үчүн барлиқ шараит яритилған. Айрим йеза егилиги хадимлириға, конкурс ғалиплириға мукапатлар тапшурулидиған сәһнә орнитилған.Чоңлар вә балилар бир күн давамида Алтибақан миллий гүләңгүчлиридә ойниди.
Мәйрәм давамида шәһәр һакими Ерболат Досаев шәһәр турғунлирини қош мәйрими билән чин жүрәктин тәбриклиди.