• Әхбаратлар еқими
• 16 Наурыз, 2024

Вакцина селишқа башлайду

Қазақстан Җумһурийити Саламәтликни сақлаш министрлиги елимиздә 2024-жилниң үчинчи кварталидин етиварән, адәм папиломисиға қарши вакцина селинидиғанлиғини мәлум қилди. Дуниявий Саламәтликни сақлаш тәшкилатиниң тәвсийәси билән бу вакцина асасән 9 – 14 яш арилиғидики қизларға селиниду. 

Мәшүр САСИҚОВ,
«Uiğur avazi»

Адәм папиломиси вирусиға қарши вакцина 15 жилдин бу ян дунияниң 135 мәмликитидә пайдилинип кәлмәктә. Униң ичидә Өзбәкстан, Қирғизстан вә Түркмәнстан бар. Әнди Европа, АҚШ, Бүйүк Британия, Канада, Австралия вә Латин Америкисини алидиған болсақ, улар өзлири ишләп чиқарған вакцинилар арқилиқ миллий иммунизация программилирини ишлитиду.
Қазақстан Җумһурийитиниң Миллий вакцинилаш календариға бенаән, Дуниявий Саламәтликни сақлаш тәшкилатиниң мәвқәси вә Қазақстан Җумһурийитидә аһалиға вакцина селиш бойичә миллий техникилиқ мәслиһәт топлириниң тәвсийәсини инавәткә алған һалда, 11 яшлиқ қизларға вакцина  селиш реҗиләнмәктә.