• Әхбаратлар еқими
• 20 Наурыз, 2024

Йеңичә түс алған Норуз

Норуз мәйримини нишанлашниң йеңи концепцияси даирисидә җумһурийәтлик Уйғур этномәдәнийәт мәркизиму һәрхил чариләрни өткүзди. 

Йолдаш МОЛОТОВ, 
«Uiğur avazi»

«Наурызнама» дека­дисиниң биринчи күни, йәни «Көрісу күні» ҖУЭМ әзалири мөтивәрләрни йоқлап, уларниң һал-әһваллиридин хәвәр тепип, соғилар тапшурди. Хәйрихаһлиқ күни ҖУЭМ рәиси Долқунтай Абдухелил «Қайырымдылық» акциясини уюштуруп, 50 тәминати начар вә көпбалилиқ аилигә 25 килограммлиқ озуқ-түлүк севәтлирини тапшурди. «Мәдәнийәт вә миллий әнъәниләр күни» иҗтимаий торларда зиялилар билән сөһбәтләрни уюштурди. Аилә қәд­рийәтлири, йәни Чаңирақ күни болса, қизларни тәрбийиләватқан аилиләрни зиярәт қилип, балилар үчүн қизиқарлиқ чариләр өткүзди, аниларға мәслиһәтләр берилди. Миллий кийим күни ҖУЭМ рәиси Долқунтай Абдухелил тәшәббуси билән тематикилиқ челлендж башланди. Бу челленджни Шаһимәрдан Нурумов, Сәнәм Беширова, Рустәм Хәйриев, Әхмәт Әһәт, Нурҗамал Һасанова, Әркин Җүмәев вә башқилар давамлаштуруп, иҗтимаий торларда тарқатти. Шундақла Долқунтай Абдухелилниң маддий вә мәнивий қоллап-қувәтлиши билән «Ассамблея жастары» бирләшмиси «Наурыз аялдамасы» акциясини уюштурди. Бу күни шәһәрниң җәмийәтлик транспортида йолувчиларға боғусақлар вә көже тарқитилди.