- Әхбаратлар еқими
- 02 Қазан, 2014
Соғиларни тапшурди
Йеқинда Уйғур наһийәсидики Долата оттура мәктивигә қәдәм тәшрип қилған алмутилиқ меһманларни қучақ йейип қарши алдуқ. Өзини Җөһәргүл Тохтибақиева дәп тонуштурған аял Алмутидики уйғур ханим-қизлири тәрипидин тәшкил қилинған «Җанан» аяллар клубиға рәһбәрлик қилидекән. Кейин у бизгә клуб әзалири Мезангүл Авамсалимова, Раһиләм Һосманова, Парпийәм Йолдашевани тонуштурди. Униң ейтишичә, бу клуб әзалири асасән хәйрихаһлиқ паалийәт билән шуғуллинип, ханим-қизлар һал-оқити төвән аилиләрниң балилириға ярдәм қолини сунуп келиветипту. Меһри дәрия бу ханим-қизлиримиз бизниң йезиғиму әйнә шу мәхсәттә қәдәм тәшрип қипту. Буни аңлап, һәммимизниң беши көккә йәтти.
Қуруқ сөздин әмәлий оқәтни яқтуридиған ханим-қизлар муәллимләрни кәспий мәйрими билән тәбрикләп, бала тәрбийисидәк җавапкәрлик һәм мәшәқәтлик ишниң һөддисидин чиқиватқан устазларниң ишиға утуқ тилиди. Шуниңдин кейин улар башланғуч синипларда оқуватқан балиларға дәрисликләрни тапшурди. Шундақла жуқарқи синипта билим еливатқан 68 оқуғучиға дәрисликләр билән айрим әдәбий китапларни соға қилди.
Сатурин РОЗАХУНОВ, мәктәп мудириниң тәрбийә ишлири бойичә орунбасари.
Уйғур наһийәси.
726 рет
көрсетілді0
пікір