• Әхбаратлар еқими
• 16 Қазан, 2014

«Һәммә нәрсә ахча билән өлчәнмәйду»

Акция/ Йеқинда Челәк йезисидики А.Розибақиев намидики мәктәптә «Филипп Моррис» ширкитиниң қатнишиши билән «Парихорлуққа йол йоқ!» мавзуси даирисидә «Һәммә нәрсә ахча билән өлчәнмәйду» шиари астида акция өткүзүлди. Акция җәриянида муәллимләр оқуғучиларға адил әмгәк, парихорлуқсиз билим вә тәрбийә, парихорлуқниң ақивити тоғрилиқ тәрбийә саатлирини, «Биз парихорлуққа қарши!» мавзусида плакатлар, сүрәтләр мусабиқисини өткүзсә, башланғуч уйғур синип  муәллимлири «Ака-ука үч батур», «Теки-теки тошқан», «Йерил, тешим, йерил», «Һелигәр тошқан», башланғуч рус синиплири муәллимлири «Колобок», «Доктор Айболит», «Теремок»  чөчәклирини сәһниләштүрди. 5 — 8-синипларда «Һәммә нәрсә ахча билән өлчәнмәйду» мавзусида муназирә дәрислири өткүзүлди. Акция давамида 9 — 11-синип оқуғучилири, ата-анилар вә мәктәп устазлириниң қатнишиши билән «Биз парихорлуққа қарши!» мавзусида коучинг дәриси өткүзүлүп, униң иштракчилири төрт топқа бөлүнүп, өзара мусабиқиға чүшти. Ахирида мусабиқә ғалиплири ениқлинип, биринчи орунға ата-анилардин тәркип тапқан «Мамаши» топи сазавәр болди. Иккинчи орунни уйғур синиплириниң «Юнан худхурәнд» командиси, үчинчи орунни рус синиплириниң «Молодежь» командиси егилиди. Ғалип чиққан командиларға пәхрий ярлиқлар тапшурулди.

Бүвинур ҺАСАНОВА.

Әмгәкчиқазақ наһийәси.