• Әхбаратлар еқими
• 22 Қаңтар, 2015

Мәдәнийәтләр қийилишида

Бийил Алмута шәһири  ИСЕСКО даирисидә «Ислам мәдәнийитиниң пайтәхти — 2015» мәртивисигә егә болди. Җәнубий пайтәхт эстафетини Қирғизстан пайтәхти Бишкектин қобул қиливалди. Нәқ шу йәрдә Авғанстан, Иран, Катар вә Сәүдийә Әрәпстани әлчилириниң қатнишиши билән ислам мәдәнийити пайтәхтиниң рәмзлик ачқучини тәнтәнилик тапшуруш мәрасими болуп өтти.ИСЕСКОға Алибаба Бабаев вакаләтлик қилди. У Қирғиз Җумһурийитиниң мәдәнийәт, әхбарат вә туризм министри Алтынбек Максутов билән Қазақстан вәкили Рузанна Бектурсыноваға рәмзни тапшурди. Қазақстан Җумһурийитиниң мәдәнийәт вә спорт министрлигиниң, шундақла Алмута шәһәрлик һакимийитиниң хадимлири һазирниң өзидила бийил февраль ейида өткүзүш көздә тутулуватқан «Алмута — Ислам мәдәнийитиниң пайтәхти-2015» хәлиқара конференциясигә тәйярлиқ көрүшни башлиди. Мәлумки, өткән жили Алмута «Һәмдостлуқниң мәдәний пайтәхти — 2014» мәртивисигә егә болуп, униң даирисидә 32 чоң вә әһмийәтлик чарә-тәдбир өткүзүлгән еди.