• Әхбаратлар еқими
• 27 Шілде, 2015

Комитет рәиси тайинланди

Алақә, әхбаратландуруш вә әхбарат комитетиниң рәиси болуп Талғат Қазанғап тайинланди. Бу һәқтә Қазақстан Җумһурийити Инвестиция вә тәрәққият министрлигиниң мәтбуат хизмити хәвәрлиди. Қазанғап Талғат Болсынбек оғли 1980-жили туғулған.  2001-жили Қазақстан Җумһурийити Ички ишлар министрлиги академиясини «юрист» мутәхәссислиги бойичә тамамлиған. 2008-жили Қазақстан Җумһурийити Президентиниң йенидики Дөләт башқуруш академияси магистратурисини түгитип, «юриспруденция магистри» кәспини алған. Һәрхил жилларда Қазақстан Җумһурийити Әхбаратландуруш вә алақә агентлиғи прокуратуриси институти сот қарарлирини вә иҗраий ишләп чиқиришниң қанунийлиғини прокурорлуқ назарәт қилиш бөлүминиң чоң прокурори, Қазақстан Җумһурийити Алақә вә әхбарат министрлиги аммивий әхбарат васитилири саһасидики дөләт сәясити департаменти мудириниң орунбасари хизмәтлирини атқурған. 2012 — 2014-жиллири — «Қазақстан» җумһурийәтлик телерадиокорпорацияси» акционерлиқ җәмийити мәмурий -башқуруш аппарати қанун бөлүминиң башлиғи, Қазақстан Җумһурийити Мәдәнийәт вә әхбарат министрлиги ички мәмурий вә хәлиқара һәмкарлиқ департаментиниң мудири лавазимлирини егилиди. 2014-жили май ейида Қазақстан Җумһурийити Алақә вә әхбарат агентлиғи, әхбарат департаментиниң мудири лавазимиға тайинланди. 2014-жили октрябь ейидин башлап Талғат Қазанғап мәһкиминиң алақә, әхбаратландуруш вә әхбарат комитетиниң рәисиниң орунбасари хизмитидә болған.