• Әхбаратлар еқими
• 25 Қыркүйек, 2015

Космонавтқа һөрмәт

Әмгәкчиқазақ наһийәлик яшлар ресурслиқ мәркизиниң уюштуруши билән қазақстанлиқ космонавт Айдын Айымбетовниң һөрмитигә наһийәлик мәдәнийәт өйиниң мәйданида мәхсус акция өтти. Уни яшлар ресурслиқ мәркизиниң баш мәслиһәтчиси Султан Тойғанбай ечип, Қазақстан Җумһурийити Һәрбий-һава хизмитиниң полковниги Айдын Айымбетовниң тәрҗимиһали, униң Хәлиқара космос станциясигә болған сәпири һәққидә ейтип бәрди. Ушбу тарихий вақиәниң Қазақстан илиминиң тәрәққий етишигә зор һәссә қошуп, тарих бәтлиридә алтун һәрипләр билән йезилидиғанлиғини тәкитлиди вә оттура мәктәпни алтун медальға, һәрбий авиациялик училищесини әла баһаларға тамамлиған елимизниң үчинчи космонавтиниң һаятини яшларға үлгә қилип көрсәтти. Андин Абылай хан намидики, Қ.Сәтбаев намидики вә В.Терешкова намидики мәктәпләрниң оқуғучилири «Флешмоб» уссулини орунлап,   ахирни яшларниң умумий уссулини уюштуруш билән йәкүнлиди.

 Рашидәм РӘҺМАНОВА.

Әмгәкчиқазақ наһийәси.