• Әхбаратлар еқими
  • 03 Желтоқсан, 2015

Шахмат бойичә турнир болуп өтти

Өткән һәптидә А.Розибақиев намидики 153-мәктәп-гимназиядә тонулған шахматчи, мәрһум Хелил Һәмраевниң хатирисигә беғишланған  Алмута шәһиридики уйғур мәктәплири арисида ІІІ шахмат турнири болуп өтти. Мәзкүр турнир «Инайәт» җәмийәтлик бирләшмиси, «Кентавр» фонди вә ҖУЭМ йенидики Уйғур мәктәпләр асcоциацияси тәрипидин уюштурулди. Мусабиқиға Қазақстан Җумһурийитиниң хизмәт көрсәткән тренери Махмут  Искәндәров, язғучи-публицист Исмайилҗан Иминов, филология пәнлириниң намзити Рабик Исмайилов, «Инайәт» җәмийәтлик асcоциациясиниң әзаси Сульфи Мәшрәпов вә Хелил Һәмраевниң акиси Хәмит Һәмраев меһман сүпитидә кәлди. Судьялар коллегиясини болса Алимжан Һезбақиев, Садиқ Батталов  башқурди. Мусабиқида һәр команда яш алаһидилигигә қарап 3 топқа бөлүнүп, өзара күч синашти. Қизлар ичидә 153-мәктәп-гимназиясидин Эльнур Нурәхмәтова — биринчи, Рамиля Бақиева — иккинчи, вә Назугум Ниязова үчинчи, гөдәкләр ичидә 101-мәктәп оқуғучиси Пирмуһәмәт Кузиев —  биринчи, балилар мәркизидин Имран Турғанов — иккинчи, Идрис Турғанов  үчинчи орунға, оғуллар ичидә 153-мәктәп-гимназияниң оқуғучиси Азат Мәмәтов —биринчи, 101-мәктәп-гимназиясидин Камал Һәмраҗанов — иккинчи, 153-мәктәп-гимназиясидин Руслан Кибиров үчинчи орунға сазавәр болди. Турнир ахирида ҖУЭМ йенидики Уйғур мәктәпләр ассоциациясиниң рәиси Шавкәт Өмәров сөз елип, кәлгән меһманларға вә турнир қатнашқучилириға рәхмитини ейтти. Шундақла Хәмит Һәмраевниң һамийлиғи билән турнир ғалиплириға маддий соғиларни тапшурди.

Альбина ӘМӘТОВА.

Алмута шәһири.

183 рет

көрсетілді

0

пікір
Алдыңғы мақала Тәзийә телеграммисини йоллиди
Келесі мақала Әнди һәқ төлимәйду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы