• Әхбаратлар еқими
• 28 Қаңтар, 2016

Латвия – 70-қатнашқучи

Келәр жили Астанада өткүзүлидиған «ЭКСПО-2017» Хәлиқара көргәзмисигә қатниши-диғанлиғини һазирчә 70 дөләт тәстиқлиди.Йәтмишинчи дөләт Латвия болди. Бу тоғрилиқ Латвия Җумһурийитиниң Қазақстандики Пәвқуладдә вә Толуқ һоқуқлуқ Әлчиси Юрийс Погребнякс Қазақстан Җумһурийити ташқи ишлар министриниң биринчи орунбасари – Астана көргәзмисиниң комиссари Рапил Жошыбаев билән болған учришишта хәвәр қилди. Сөһбәт давамида тәрәпләр «йешил» энергетика саһасидики һәмкарлиқ истиқбали тоғрилиқ пикир елишти вә Латвияниң мәзкүр көргәзмигә қатнишиш мәсилилирини муһакимә қилди. Шу нәрсә диққәткә сазавәрки, «ЭКСПО-2017» Хәлиқара көргәзмисигә қатнишидиғанлиғи тоғрилиқ рәсмий шәртнамини Швейцарияму имзалиди. Бу тоғрилиқ мошу мәмликәтниң Давос шәһиридә өткән Дуниявий ихтисадий форум вақтида мәлум болди. Шәртнамини «Астана ЭКСПО-2017» миллий ширкити башқармисиниң рәиси Ахметжан Есимов билән Швейцария Конфедерациясиниң секция комиссари Мануэль Салхи имзалиди.