• Әхбаратлар еқими
• 27 Мамыр, 2016

Тәзийә телеграммилирини йоллиди

Нурсултан Назарбаев Мисир Әрәп Җумһурийитиниң Президенти Абдель Фаттах Ас-Сисиға тәзийә телеграммисини йоллиди. Телеграммида Дөләт рәһбириниң Мисир авиация ширкити самолетиниң һалакәткә учриши ақивитидә нурғунлиған адәмләрниң қурван болғанлиғи тоғрилиқ хәвәрни чоңқур қайғуруп қобул қилғанлиғи тәкитлиниду.Нурсултан Назарбаев Қазақстан хәлқиниң вә шәхсән өзиниң намидин һалак болғанларниң уруқ-туққанлири билән йеқинлириға, шундақла пүткүл Мисир хәлқигә тәзийә билдүрди. *** Нурсултан Назарбаев Франция Җумһурийитиниң Президенти Франсуа Олландқа тәзийә телеграммисини йоллиди. Телеграммида Дөләт рәһбириниң Францияниң нурғунлиған гражданлириниң қаза болушиға елип кәлгән Мисир авиация ширкити самолетиниң һалакәткә учриғанлиғи тоғрилиқ хәвәрни чоңқур қайғуруп қобул қилғанлиғи тәкитлиниду. Нурсултан Назарбаев Қазақстан хәлқиниң вә шәхсән өзиниң намидин қаза болғанларниң уруқ-туққанлири билән йеқинлириға вә пүткүл француз хәлқигә тәзийә билдүрди.