• Әхбаратлар еқими
• 28 Шілде, 2016

Завод ишқа қошулди

Җамбул вилайити Сарысу наһийәсиниң Жаңатас шәһиридә асфальт-бетон заводи ишқа қошулди. Мәзкүр лайиһиниң тәшәббускари йәрлик ширкәт – «Тараз Көлік Жолы» җавапкәрлиги чәкләнгән йолдашлиғи. Йеңи кархана автомобиль йоллирини җөндәш үчүн қурулуш материаллирини ишләп чиқириду. Униң ишләпчиқириш қувити – жилиға 50 миң кубометр мәһсулат. «Тараз Көлік Жолы» җавапкәрлиги чәкләнгән йолдашлиғиниң лайиһиси өткән жилниң биринчи йеримида регионлуқ Индустрияләштүрүш хә­рити­сигә киргүзүлгән еди. У дөләт экспертизисидин утуқлуқ өтти вә һазир бәш гектар мәйданни егилигән ишләпчиқириш объектидики қурулуш-монтаж ишлири толуқ аяқлашти. Лайиһиниң умумий баһаси 250 миллион тәңгини тәшкил қилиду. Алдин-ала һесап бойичә, у  һәр жили бюджетқа 54 миллион селиқ төләйду. Һазир заводта 20 адәм ишләватиду. Кархана толуқ қувитигә көчкәндин кейин униңда қошумчә 30 иш орни вуҗутқа кәлтүрүлиду. Завод регионни әрзән сүпәтлик мәһсулат билән толуқ тәминләйду.