• Әхбаратлар еқими
• 18 Тамыз, 2016

«Арзуниң» арзулуқ концерти

Өткән һәптиниң дүшәнбә күни Уйғур наһийәлик «Арзу» хәлиқ нахша-уссул ансамбли елимиз Мустәқиллигиниң 25 жиллиғи даирисидә наһийә мәркизи Чонҗа йезисида һәқсиз мәйрәмлик концерт қойди. Мәзкүр концертқа наһийәгә қарашлиқ йеза вә мәһәллиләрдин йеза яшлири, нураний анилар, мүмкинчилиги чәкләнгән шәхсләр, устазлар тәклип қилинди.

Мәйрәмлик концертқа қатнашқан пешқәдәм сәнъәткар, «Ерен еңбегі үшін» медалиниң саһиби Жанарәм Дәраева билән ансамбльға қайтип кәлгән булбул авазлиқ сәнъәткар Халима Шаваевани тамашибинлар давамлиқ алқишлири билән қарши алди. Концерт ахирида наһийә һакиминиң гүлдәстисини тәғдим қилған наһийә һакиминиң орунбасари Қуралбек Бекмуханбетов «Арзуниң» мәйрәмлик концертиға жуқури баһа берип, наһийәниң әйниги болған бу ансамбльниң ишлириға утуқ тилиди.

. Шахризада САБИТОВА, Уйғур наһийәси