• Әхбаратлар еқими
• 10 Қараша, 2016

Телефон арқилиқ сөзләшти

Нурсултан Назарбаев Сербия Җумһурийитиниң Президенти Томислав Николич билән телефон арқилиқ сөзләшти. Сөһбәт давамида тәрәпләр өзара һәрикәтниң муһим мәсилилирини, шундақла Дөләт рәһбири 2016-жили 23 – 25-августта Белградқа қилған рәсмий сәпириниң йәкүни бойичә қолға кәлтүрүлгән келишимләрниң орунлинишини муһакимә қилди.Икки мәмликәт рәһбири шундақла Қазақстан-Сербия оттурисидики достлуқ мунасивәтләрни техиму мустәһкәмләш бойичә қоюқ бирләшкән ишқа тәйяр екәнлигини тәстиқлиди.

Президентлар бийил ноябрь ейида Сербия Премьер-Министри Александр Вучичниң Қазақстанға қилидиған сәпириниң һәмкарлиқни һәртәрәплимә чоңқурлитиш үчүн муһим екәнлигини тәкитлиди. Сөһбәт Сербия тәрәпниң тәшәббуси билән өткүзүлди.

***

Нурсултан Назарбаев Қирғиз Җумһурийитиниң Президенти Алмазбек Атамбаев билән телефон арқилиқ сөзләшти. Сөһбәт давамида иккитәрәплимә һәмкарлиқниң һазирқи әһвали вә истиқбали, шундақла икки мәмликәтниң Евразия Ихтисадий иттипақи даирисидики өзара һәрикити муһакимә қилинди. Қазақстан вә Қирғизстан рәһбәрлири, шундақла алдики учришишларниң графигини, шундақла 2017-жилниң І кварталида Түркий тиллиқ дөләтләр кеңишиниң новәттики саммитини өткүзүш мәсилилирини қарап чиқти.

***

Нурсултан Назарбаев Өзбәкстан Җумһурийити Президентиниң вәзиписини орунлиғучи Шавкәт Мирзиеёв билән телефон арқилиқ сөзләшти. Сөһбәт давамида Дөләт рәһбири Шавкәт Мирзиеёвни бийил 4-декарбьда өтидиған Өзбәкстан Җумһурийити Президентиниң сайлимида намзитиниң көрситилиши билән тәбриклиди. Тәрәпләр мәмликәтлиримизниң сода-ихтисадий мунасивәтләрниң чоңқурлишишиға һәм кәңийишигә иҗабий тәсир қилған һөкүмәтләрара алақиларниң җанлиниватқанлиғини жуқури баһалиди. Сөһбәт давамида иккитәрәплимә мунасивәтләрни тәрәққий әткүзүш истиқбалиға айрим диққәт бөлүнди.

***

Нурсултан Назарбаев Түркия Җумһурийитиниң Президенти Реджеп Тайим Эрдоған билән телефон арқилиқ сөһбәтләшти. Сөһбәт давамида Дөләт рәһбири Реджеп Эрдоғанни Түркияниң миллий мәйрими – Җумһурийәт күни билән тәбрикләп, қериндаш түрк хәлқигә течлиқ һәм паравәнлик тилиди.

Тәрәпләр иккитәрәплимә мунасивәтләрниң һазирқи әһвали һәм истиқбалини, шундақла бирқатар муһим регионал вә хәлиқара мәсилиләрни муһакимә қилди.