• Әхбаратлар еқими
  • 28 Сәуір, 2017

Сәнъәттә чегара йоқ

Достлуқ мәйрими/ Ғалҗатта қазақ билән уйғур әзәлдин дост болуп, бир-биригә қиз берип, оғул өйләп яшиған. Йезимизға тәғдир тәқәзаси билән кәлгән украин билән татарму тез арида сиңишип кәтти. Улар уйғур билән қазақниң урпи-адәтлириниму яхши билиду, һәммиси уйғур тилини яхши өзләштүргән.Өткәндә мәлимиздә 1-Май – Қазақстан хәлқи бирлиги күни һарписида икки милләтниң, йәни қазақ билән уйғурниң достлуғини намайиш қилидиған нахша-уссул конкурси болуп өтти. Уни Мәдәнийәт өйиниң мудири Диләрәм Ибрагимова вә мәзкүр мәдәнийәт өйиниң методисти Гүлбостан Юнусова, шундақла жутумиздики миллий мәдәнийитимиз җанкөйәрлириниң бири болған Муратҗан Баһапов уюштурди. Конкурста мәктәп йешидики балилар икки милләтниң нахша- сазлирини вә уссуллирини сәһнигә елип чиқти. «Сәнъәттә чегара йоқ» дегини мошу болса керәк. У күни жутумизда мәйрәмлик кәйпият түс алди. Адил қазилар конкурс иштракчилириниң һәммисигә өзлириниң сәмимий баһасини бәрди. Амма «йүздин жүгрүк» болған әң талантлиқ балиларни таллавелишниму унтумиди. Шундақ қилип, баш мукапат — Гран-прини Адиләм Абдухелилова утувалди. 1-орунға Халинур Әмәтова еришсә, 2-орунни Гулмина Закирова билән Самир Исрайилов өзара бөлүшти. Дилназ Дилмуратова билән Эльнура Кошербаева үчинчи орундин көрүнди. Бәхтияр МӘҺӘММӘТОВ. Уйғур наһийәси.

510 рет

көрсетілді

0

пікір
Алдыңғы мақала Шәнбиликкә бир кишидәк қатнашти
Келесі мақала Туғулған йәргә муһәббәт

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *