• Әхбаратлар еқими
• 30 Маусым, 2017

«Дүгләк үстәл» әтрапида – журналистлар

Рашидәм РӘҺМАНОВА, «Уйғур авази»/ Алақә вә әхбарат хадимлири күни һарписида Әмгәкчиқазақ наһийәсиниң һакими Бинәли Ысқақ наһийәдә паалийәт жүргүзүватқан җумһурийәтлик, вилайәтлик вә наһийәлик гезитларниң өз мухбирлири билән баш муһәррирлирини қобул қилди. Уларниң арисида җумһурийәтлик «Уйғур авази» гезитиниң өз мухбириму болди. «Дүгләк үстәл» териқисидә өткән сөһбәттә Бинәли Әбдиқапас оғли наһийәдә әмәлгә ашурулуватқан йеңилиқлар, дөләтлик программиларниң орунлишиши һәққидә ейтип, келәчәккә реҗиләнгән планлар билән бөлүшти. Тәвәдики йеңилиқларни турғунларға оператив йәткүзүватқан әхбарат хадимлириға пидакаранә әмгиги үчүн миннәтдарлиғини изһар қилди. Журналистларниң җәмийәтлик пикирни һасил қилиштики муһим ролини атап, гезитларда йол қоюлуватқан  камчилиқларғиму тохталди. Ахирида бир топ журналистлар наһийә һакиминиң  Тәшәккүрнамилири билән мукапатланди. Әмгәкчиқазақ наһийәси.