• Әхбаратлар еқими
• 30 Маусым, 2017

Һәммә нәрсә план бойичә

Қазақстан Җумһурийитиниң Премьер-Министри Бақытжан Сағынтаев «ЭКСПО-2017» көргәзмисини өткүзүш мәсилиси бойичә мәҗлис өткүзди. Мәҗлистә көргәзмини зиярәт қилиш вә бехәтәрликни тәминләш мәсилилири муһакимә қилинди, шундақла Қазақстанда көргәзминиң хәлиқара павильонлириға җайлаштурулған йеңи технологияләрни қоллиниш имканийити қаралди. «Астана ЭКСПО-2017» МК» АҖ башқармисиниң рәиси Ахметжан Есимов көргәзмигә қатнишидиғанлиғини тәстиқлигән 115 мәмликәт вә 22  хәлиқара тәшкилат павильонлириниң ишләватқанлиғи тоғрилиқ доклад қилди. Хәлиқара көргәзмиләр бюросиниң етирап қилишичә, барлиқ павильонлар биринчи қетим мошунчилик қисқа қәрәлдә ишқа киришти.  Ахметжан Есимовниң мәлуматлири  бойичә, көргәзмини һәр күни оттура һесапта 24 миң адәм зиярәт қилмақта. Әнди у ечилғандин бу ян болса, 400 миңдин ошуқ адәм көргәзмә экспозициялирини көздин кәчүрди.