• Әхбаратлар еқими
• 25 Қаңтар, 2018

Һəр пәсилниң өз гөзəллиги бар

Рашидəм РƏҺМАНОВА, «Уйғур авази» Йеқинда Түргүн йеза округи һакими аппаратиниң қоллап-қувəтлиши билəн Или-Алитағ Миллий тəбиий дөлəт паркиға қарашлиқ Түргүн чатқилида əнъəнивий Қиш мəйрими уюштурулди.Əтраптики дөңлəрдин вә алдин-ала тəйярланған муз мəйданчилирида пуғани қанғичə тейилип ойнашни арман қилип, чана, коньки вə чаңғулирини алғач кəлгəн меһманларға Түргүн йеза округиниң һакими Бота Елеусизова, Əмгəкчиқазақ наһийəлик мəслиһəтниң депутати Виталий Вальков вə Миллий дөләт паркиниң Түргүндики шөбиси мудириниң орунбасари Нурсəлим Сүлейменов өзлириниң изгү- тилəклирини билдүрди. Шох нахша-уссуллардин тəркип тапқан концерт программиси билəн башланған «қишлиқ мәйрәмдә» мəктəп оқуғучилири вə йеза сəнъəткарлири өз һүнəрлирини намайиш қилди. Яшлар арисида футбол, ағамча тартиш, гир көтириш, чаңғу тейилиш вə күрəш бойичə мусабиқилəр, ат үстидики сəйлə, қар вə муздин һəрхил фигуриларни ясаш уюштурулди. Таза һавада көңүлдикидəк дəм алған көплигән балилар мәрасим уюштурғучилири тəрипидин паалийəтчанлиғи үчүн соға вə Тəшəккүрнамилəрни елишқа муйәссәр болди. Əмгəкчиқазақ наһийəси.