- Әхбаратлар еқими
- 22 Ақпан, 2018
Президент һозурида
Президент Нурсултан Назарбаев Миллий бехәтәрлик комитетиниң рәиси Кәрим Мәсимовни қобул қилди. Учришиш давамида Дөләт рәһбиригә Комитетниң еқимдики паалийити вә алдики вақитқа бәлгүләнгән вәзипиләр тоғрилиқ доклад қилинди. Нурсултан Назарбаев Мәркизий Азия мәмликәтлири ташқи ишлар министрлири вә дөләт рәһбәрлириниң алдики вақитта болидиған учришишлири һарписида регионлуқ бехәтәрликни күчәйтиш вә диний экстремизм һәм терроризмға қарши туруш ишида чәтәллик кәсипдашлар билән өзара һәрикәт қилишниң муһим екәнлигини тәкитлиди.
Қазақстан Президенти учришиш ахирида бирқатар ениқ тапшурмиларни бәрди.
***
Дөләт рәһбири Нурсултан Назарбаев җәмийәт әрбаби Жәнибек Кәрибжанов билән учрашти, дәп хәвәрлиди Президентниң мәтбуат хизмити.
Президент учришиш давамида Жәнибек Кәрибжановни Қазақстанниң тәрәққиятиға вә елимизниң мустәқиллигини күчәйтишкә қошқан алаһидә төһписини тәкитлиди.
Нурсултан Назарбаев Ж.Кәрипжановни муһим лавазимлиқ хизмәтләрдә өзигә жүкләнгән барлиқ вәзипини чоң җавапкәрлик билән әмәлгә ашурғанлиғини тилға алди.
442 рет
көрсетілді0
пікір