• Әхбаратлар еқими
• 04 Мамыр, 2018

Йеңи мечитни зиярәт қилди

Барлиқ мусулманлар үчүн муқәддәс болған Рамзан ейи һарписида Дөләт рәһбири пайтәхтниң “Сарыарқа” наһийәсигә орунлашқан йеңи мечитни зиярәт қилди. Қазақстан Президентиға мечит қурулушиниң кетип бериши вә мәзкүр бенани электр йоруғи һәм иссиқлиқ билән тәминләш үчүн пайдилиниливатқан альтернативилиқ энергия мәнбәлири тоғрилиқ тәпсилий әхбарат берилди.Есил дәриясиниң оң қирғиғидики мечит қурулуши 2016-жили башланди. У хәйрихаһлиқ мәбләғ һесавиға селинди. Бена әнъәнивий нәқишләр вә декоратив элементларни пайдилиниш арқилиқ постмодернизм услубида орунланди. Асасий бена мурәккәп вә йерим сферилиқ объектни әслитиду. Униң тамлири үч булуңлуқ шәкилдә қия келип, диаметри 26 метрлиқ гүмбәз билән давамлишиду. Мечитниң ташқи дизайни гүлни вә шуниң билән биллә алмазниң қирлирини әскә салиду. Мечитниң баш бенасиниң шималий тәрипигә орунлашқан мунариниң егизлиги 43,5 метр. У “қәләм” – “муқәддәс пәй” түридә бой көтәргән. Йеңи мечитни энергия қувити билән тәминләш үчүн пайдилинидиған альтернативилиқ энергия мәнбәлири лазим болған мөлчәрдин үч һәссә көп электр қувитини бериду. Йеңи мечит 750 адәмгә молҗаланған. Бенаниң мәйдани 2 248 квадрат метрни тәшкил қилиду. Орунлашқан йәр мәйдани – 1,44 гектар.