• Әхбаратлар еқими
  • 31 Мамыр, 2018

Биз көпийиватимиз

Қазақстан Җумһурийитиниң дөләт кативи Гүлшара Әбдиқалықованиң рәислигидә Қазақстан Җумһурийитиниң Президенти йенидики Гражданлиқ мәсилилири бойичә комиссияниң мәҗлиси болуп өтти. Комиссия мәҗлисидә Қазақстан гражданлиғиға қобул қилиш вә униңдин чиқиш мәсилилири қаралди. Дөләт рәһбири тегишлик пәрман имзалиғандин кейин, мәмликәткә жирақ вә йеқин чәт әлләрдин кәлгән түрлүк милләтләрниң 587 вәкили Қазақстан гражданлиғини алиду. Гүлшара Әбдиқалықованиң тәкитлишичә, мәмликитимиз гражданлиридин болуш хаһишини билдүргән адәмләрниң сани жилдин-жилға өсмәктә. – Бу Қазақстан гражданлиқ институтиниң хәлиқара абройиниң жуқури екәнлигини, дөләтниң иҗтимаий-ихтисадий системисиниң турақлиқлиғини, милләтләрара мунасивәтләр мәдәнийитиниң тәрәққий әткәнлигини испатлайду. Бу Милләт Лидери Нурсултан Назарбаев алға сүргән узақ муддәтлик “Қазақстан-2050” Стратегиясини системилиқ әмәлгә ашуруш түпәйли мүмкин болди. Биз йеңи қазақстанлиқларға илтипат билдүримиз, уларға бәхитлик һаят вә әнди уларниңму Вәтининиң бәхит-саадити үчүн нәтиҗидарлиқ әмгәк қилишини тиләймиз. Уларниң мәмликәтниң мунасип гражданлири болуп, суверен Қазақстанниң техиму тәрәққий етишигә өз һәссисини қошидиғанлиғиға ишинимән, – дәп тәкитлиди дөләт кативи. Комиссия мәҗлисиниң йәкүни бойичә тегишлик қарар вә тәвсийәләр қобул қилинди. Мәлумки, һазир Қазақстан аһалисиниң сани 18 миллион 213 миңдин ошуқ адәмни тәшкил қилиду.

76 рет

көрсетілді

0

пікір
Алдыңғы мақала ҚХА кафедриси ечилди
Келесі мақала «Жұлдызда» юлтузлар тола

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы