• Әхбаратлар еқими
  • 27 Маусым, 2018

“Қазақтану” лайиһиси әмәлгә ашурулиду

Шөһрәт МӘСИМОВ, “Уйғур авази” Йеқинда Алмутида “Достлуқ өйидә” Қазақстан хәлқи Ассамблеясиниң Журналистлар вә экспертлар клубиниң кәңәйтилгән мәҗлиси өткүзүлди. Униңға ҚХА Рәисиниң орунбасари – Қазақстан Җумһурийити Президентиниң Мәмурийити ҚХА Кативатиниң Рәһбири Леонид Прокопенко қатнашти.Һәр жили өтидиған мәҗлис миллий аммивий әхбарат васитилири Журналистлар клубиниң йеңи рәисини сайлаштин башланди. Исми көпчиликкә тонулған тележурналист, “Хабар” телеканилиниң шеф-редактори Қымбат Хангелдина клуб рәиси болуп сайланди. Андин кейин сөзгә чиққан ҚХА Рәисиниң орунбасари Леонид Прокопенко Қымбат Хангелдинани вә барлиқ қатнашқучиларни кәспий мәйрими – Алақә вә әхбарат хадимлири күни билән сәмимий тәбрикләп, мәҗлис күн тәртивиниң муһим вәзипилиригә – җәмийәт аң-сәвийәсини йеңилаш вә җәмийәтниң иҗтимаий бирлигини мустәһкәмләш вәзипилиригә тохталди. ҚХА Рәиси орунбасариниң тәкитлишичә, уларни һәл қилиш үчүн тегишлик лайиһиләр қобул қилинип, мәмликәт Президенти Бәш иҗтимаий тәшәббусни тәклип қилди. – Қазақстан хәлқи Ассамблеясиниң 26-сессиясидә қазақ мәдәнийитини, тарихини, философиясини, қазақ хәлқиниң қәдрийәтлирини аммибаплаштурушқа қаритилған “Қазақтану” лайиһиси алға сүрүлди. Бу идея Дөләт рәһбири тәрипидин қоллап-қувәтләнди, – дәп тәкитлиди ҚХА Рәисиниң орунбасари. – Шуңлашқиму муқәддәс җайда – Бурабайдики Аблайхан чимәнзарлиғида – биз йеңи илмий-ақартиш лайиһисини башлидуқ. Леонид Прокопенкониң тәкитлишичә, әнди кәң җамаәтчиликни җәлип қилиш, тематикилиқ роликларни чиқириш ишлириға диққәт ағдуруш керәк. Әң яхши материалларға жил ахирида журналистика саһасидики “Шаңырақ” иҗадий конкурси даирисидә ҚХАниң мәхсус мукапатлири берилиду. – Әйнә шундақ қилип, биз Қазақстан хәлқиниң бирлигини умумий мәдәний код, бирпүтүн қәдрийәтләр вә миллитидин қәтъий нәзәр, барлиқ қазақстанлиқларниң умуммиллий тарихий аң-сәвийәси асасида вуҗутқа кәлтүрүшимиз керәк, – деди ҚХА Рәисиниң орунбасари. Кәңәйтилгән мәҗлистә тәкитләнгинидәк, “Қазақтану” илмий-ақартиш лайиһисиниң әмәлгә ашурулуши бирқатар вәзипиләрниң һәл қилинишини тәләп қилиду. Яшларни қазақ хәлқиниң тарихи, сәнъити, әнъәнилири, философияси вә башқа қәдрийәтлири тоғрилиқ билимни тарқитиш һәм қобул қилиш җәрияниға җәлип қилиш әйнә шу вәзипиләрниң биридур. Бу йосунда Қазақстан хәлқи Ассамблеяси Концепция лайиһилирини вә Чарә-тәдбирләр планини ишләп чиқти. Улар қазақ тилиниң шәкиллиниши вә алаһидилигиниң тарихи, тарихий сәнәләр бойичә лекцияләр, сөһбәтләр, семинар-тренинглардин ибарәт. ҚХАниң анилар кеңәшлиридә әнъәнивий қазақ тәрбийисигә мунасивәтлик мәсилиләр муһакимә қилиниду, Қазақстанда яшаватқан милләтләрниң вәкиллирини қазақ хәлиқ касипчилиғиға үгитиш бойичә маһарәт дәрислири уюштурулиду вә һәрхил мавзуларда конкурслар уюштурулиду. Әйнә шу мунасивәттә Леонид Прокопенко аммивий әхбарат васитилирини, Әхбарат вә коммуникацияләр министрлигини ҚХА Журналистлар клуби билән бирликтә “Қазақтану” лайиһисини әхбарат җәһәттин қоллап-қувәтләшкә һәм тәминләшкә чақирди. Мәҗлистә сөзгә чиққан Әхбарат вә коммуникацияләр министрлиги Әхбарат комитетиниң рәиси Ержан Нүкежанов ҚХАниң паалийитини йорутуш дөләт әхбарат буйрутмиси даирисидә әмәлгә ашурулидиған тематикилиқ йөнилишләр тизимиға киргүзүлгәнлигини тәкитлиди. Комитет рәисиниң қәйт қилишичә, жил ахириғичә телеканалларниң конфессияләрара разимәнлик, миллий роһий қәдрийәтләр вә әнъәниләр мавзулириға беғишланған сүпәтлик, қизиқарлиқ роликлар, һөҗҗәтлик фильмлар түркүмини чиқириш планланди. Шу күни ҚХА Журналистлар клуби “Менің Қазақстаным” программисиниң он жиллиғиға беғишланған программа продюсери, Қазақстан телевидениесиниң ветерани Элла Цойниң “Өзәң билән өзәң болуш – бу қийин бәхит” намлиқ китавини тонуштурди. Тонуштуруш мәрасимида тәкитлинишичә, мана он жилдин буян мәзкүр телелайиһә түрлүк миллий топларниң мәдәнийитини, урпи-адәт вә әнънилирини аммибаплаштурушқа, җәмийитимиздә милләтләрара разимәнлик вә өзара чүшәнчини мустәһкәмләшкә чоң һәссә қошуп келиватиду. Шу нәрсә кишини хошал қилидуки, мәҗлистә кәсипдашлиримиз “Уйғур авази” гезитиниң коллективиниму нәширниң 100 жиллиқ юбилейи билән сәмимий тәбриклиди.

46 рет

көрсетілді

0

пікір
Алдыңғы мақала Йеңи дәвир һарписидики «Садаий таранчи»
Келесі мақала Умумий қәдрийәтләр бирликни мустәһкәмләйду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы