- Әхбаратлар еқими
- 05 Шілде, 2018
Космос тоғрилиқ экспозиция
Нурсултан Назарбаев “Регионларниң Астанаға соғиси” лайиһиси даирисидә Қизилорда вилайити салған ракета-космос музейиниң очуқ экспозициясини зиярәт қилди.
Нурсултан Назарбаев экспозиция территориясидә Қизилорда вилайити җамаәтчилигиниң вәкиллири билән сөһбәтләшти.Экспозицияни көздин кәчүрүш давамида Қазақстан Президентиға космос аппаратлирини қураштуруш – синақ қилиш комплексиниң имканийәтлири көрситилди.
Дөләт рәһбири илим-пәнни вә йеңи технологияләрни тәрәққий әткүзүш үчүн космос санаитиниң муһим екәнлигини тәкитлиди.
– Мениң тапшурмам бойичә Франция тәрәп билән бирликтә биз Йәрниң сүнъий спутниклирини қураштуруш бойичә заводни ишқа қоштуқ. Йеқинқи вақитта өзимизниң спутниклирини қураштуримиз. Биздә өзимизниң учириш қурулмиси бар, 2022-жилға қәдәр “Зенит” ракетиси тәйярлиниду. Шундақ қилип, бизниң космос санаитимиз йеңи технологиялик җәриянға чиқиду, Қазақстан болса, толуқ мәзмунлуқ космос дөлити болиду, – деди Нурсултан Назарбаев.
Музей “Қазақстан Ғарыш Сапары” Миллий космос мәркизиниң территориясигә орунлашти. Пайтәхтниң 20 жиллиғиға соға қилинған ракета-космос техникиси музейиниң очуқ экспозициясигә “Союз”, “Протон”, “Зенит” ракета елип чиққучиларниң, шундақла “Буран” орбитал кораблиниң макетлири қоюлди.
482 рет
көрсетілді1
пікір