• Әхбаратлар еқими
• 02 Тамыз, 2018

Дала шараитидики һәрбий марш башланди

Мудапиә министрлигиниң “Батыс” вә “Шығыс” регионлуқ команданлиқлирида инженерлиқ әскәрләр вә радиология, химия, биологиялик һимайә қилиш бөлүмлириниң бирләшкән дала шараитидики марши өтти.Ротиларниң уйғунлиғини йүксәлдүрүш мәхситидә һәрбий бөлүмләрниң турақлиқ орунлишиш пунктлириниң әтрапидики оқуш-мәшиқ полигонлирида мәхсус һәрбийләр бөлүмчилириниң даладики марши уюштурулди. “Дала шараитидики маршни өткүзүшниң мәхсити – вәзипиләрни орунлашта бөлүмчиләрниң дала шараитидики мәшиғини йүксәлдүрүш вә ашуруш. Дала шараитидики мәшиқләр пәйтидә һәрбийләргә тактикилиқ, етиш тәйярлиғи, җиддий климатлиқ әһвалларда һәрбий техникини жүргүзүш бойичә нормативларни орунлашқа тоғра келиду”, – деди “Батыс” регионлуқ команданлиғи әскәрлири команданиниң биринчи орунбасари – штаб башлиғи полковник Нурлан Алдияров. Дала шараитидики маршта һәрбийләрниң хәтәрлик партлиғуч затларни издәш вә йоқитиш, мина-партлиғуч қоршавларни орнитиш, позицияләрни фортификациялик орунлаштуруш, инженерлиқ тәминләш вә башқиму вәзипиләрни орунлаш бойичә әмәлий дәрисләр өткүзүлиду. Шундақла бөлүмчиләр қарши тәрәпниң аммивий қириш қураллирини қоллиниш, радиациялик, химиялик вә биологиялик назарәт пәйтидә йошуруш бойичә вәзипиләрни орунлайду.