• Әхбаратлар еқими
  • 22 Тамыз, 2018

“Хазрет Султан” мечитини зиярәт қилди

Дөләт рәһбири Нурсултан Назарбаев Астанада “Һәзрәт Султан” мечитини зиярәт қилди вә Қазақстан хәлқини парлақ мәйрәм — Қурван һейти мунасивити билән тәбрикләп, мураҗиәт қилди.– Мәйрәм билән тәбрикләймән, пүткүл Қазақстан мусулманлириниң барлиқ тиләк-хаһишлириниң әмәлгә ешишини, илтимаслириниң Алланиң қулиғиға челинип, барлиқ үмүтлиримизниң орунлинишини тиләймән. Бизниң һәммимизниң хаһишимиз бир – мәмликитимизниң паравәнлиги, хәлқимизниң паравәнлиги, Қазақстанниң тәрәққияти вә гүллиниши, дәп ойлаймән. Һәрбиримизниң бәхит-саадитимиз вә молчилиқ-паравәнлигимиз әйнә шуниңға бағлиқ. Қурван мәйрими Алланиң вә Мәһәммәт пәйғәмбәрниң йолида ибадәт қилип, қурванлиқ бериш биләнла тамамланмайду. Бу күни адәмләр бир-бири билән учришиду, қучақлишип һис-туйғусини билдүриду, мошуниңғичә болған барлиқ өткән сәвәнликләрни кәчүриду. Шундақла биллә меңиш үчүн алға қарайду. Шуңлашқа биз барлиқ мусулманларниң қериндаш екәнлигини дайим әстә сақлишимиз керәк. Қуръан Кәримдә уларниң, қандақ милләткә тәәллуқлуғидин қәтъий нәзәр, қериндаш екәнлиги ейтилған, – дәп тәкитлиди Нурсултан Назарбаев. Президент бираз вақит өтүп, Астанада Дуниявий вә әнъәнивий динлар рәһбәрлириниң VI қурултийиниң өтидиғанлиғини әсләтти. Дөләт рәһбириниң тәкитлишичә, қурултай Қазақстанда өткүзүлиду, чүнки мәмликитимиздә течлиқ, барлиқ этнослар вә динлар оттурисидики өзара чүшәнчә күчийиватиду. – Адәмләр өзлириниң камситилидиғанлиғидин қорқмай, диний еһтияҗлирини хатирҗәм өтәйду. Бу қурултайниң өткүзүлүшиму бизниң дияримизниң улар үчүн, һәммиси үчүн муқәддәс екәнлигини билдүриду вә биз мошу әнъәнини сақлап қелишимиз керәк. Силәр өзәңларға, аиләңларға, балилириңларға парлақ келәчәк, бәхит-саадәт тилигән болушуңлар керәк, илаһим, мошуниң һәммиси әмәлгә ашсун. Мошуниң һәммиси Алланиң қулиғиға челинсун. Һәммиңларға мустәһкәм саламәтлик, изгүлүк, һәрбир қазақстанлиқ аилигә паравәнлик тиләймән, мәмликитимиз гүлләнсун, биздә достлуқ, хатирҗәмлик, турақлиқ һөкүм сүрсун вә шу чағда биз техиму яхши тәрәққий етимиз, хәлқимизниң турмушини яхшилаймиз, – дәп тилиди Нурсултан Назарбаев. Мечитни зиярәт қилғучиларниң арисида Қазақстан Җумһурийитиниң Премьер-Министри Бақытжан Сағынтаев, Қазақстан Җумһурийити Парламенти Сенатиниң рәиси Қасым-Жомарт Тоқаев, Қазақстан Җумһурийити Парламенти Мәҗлисиниң рәиси Нурлан Ниғматулин, Қазақстан Җумһурийити Президенти Мәмурийитиниң рәһбири Әдилбек Жақсыбеков вә Астана шәһириниң һакими Әсет Исекешев болди.

66 рет

көрсетілді

0

пікір
Алдыңғы мақала Тәзийә телеграммилирини әвәтти
Келесі мақала «Миллий колорит» номинациясиниң ғалиби – уйғур жигити

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы