• Әхбаратлар еқими
• 13 Қыркүйек, 2018

Гөдәкләргиму паспорт һаҗәт

Насирахун РОЗАХУНОВ, «Уйғур авази» Җумһурийәт Ички ишлар министрлиги мәтбуат хизмитиниң хәвиричә, келәр жилдин тартип чәт әлгә чиқиш үчүн һәтта гөдәкләргиму шәхсий паспорт елиш тәләп қилиниду. Бүгүнгә қәдәр “Қазақстан Җумһурийитиниң шәхсни гуваландуруш һөҗҗәтлири тоғрилиқ» қануниға мувапиқ, чәт әлгә чиқиш үчүн Қазақстан гражданлириниң паспортлириға 16 яшқичә болған балиларниң сүрити чаплинип, исим-фамилияси йезилиши тегиш еди. Әпсус, дунияниң көплигән дөләтлири гөдәкләрниң һәрқайсисиниң шәхсий паспорти болушини тәләп қилмақта. Мошуниңға бағлиқ, җумһурийәт Ички ишлар министрлиги мәзкүр қанунға өзгиришләрни киргүзүшни қарар қилди. Униңға бенаән, балиларниң сүритини ата-аниларниң паспортиға чаплаш мәнъий қилиниду. 2019-жилниң 1-январидин тартип, чәт әлгә чиқмақчи болған балиларға шәхсий паспорт рәсмийләштүрүш тәләп қилиниду.