• Әхбаратлар еқими
  • 30 Шілде, 2020

Виждан әмри билән

Рашидәм МИРЗӘХМӘТОВА, «Уйғур авази» Пүткүл дунияни вәһимигә салған таҗсиман вирустин, кейин «эстафетини» қолға алған пневмониядин қанчилигән адәм зәрдап чәкти десиңизчу! Биз көзгә илмай жүргән адәттики дора-дәрмәкләрниң, һаҗәтлик медицина әсвап-үскинилириниң йетишмәслигидин қанчилигән бемарларниң азапланғанлиғини, һәтта өмриниң қийилғанлиғини аңлап көрүватимиз. Әйнә шундақ әһваллардин тәвринип, ярдәмгә муһтаҗларниң тәғдиригә ара болушқа интиливатқан сахавәтлик инсанлиримизниң күн санап өсүватқанлиғи бизни хурсән қилиду. Шуларниң бири — Уйғур наһийәсиниң Чоң Ақсу йезисида туғулуп, балилиқ дәври Чонҗа йезисида өткән алмутилиқ тиҗарәтчи Алмас Һетахуновтур. Моҗут вәзийәттин хәвәр тапқан Алмас Мәсимоғлиниң қәлбигә «пандемия урушиниң» қайнимида жүрүп, униң зәрдавини тартиватқан бемарлар һаятини сақлап қелиш йолида кечә-күндүз аянмай хизмәт қиливатқан ақ халатлиқ әвзәл җанларға мисқалчә болсиму ярдәм қилиш истиги арам бәрмәйду. Бәхиткә яриша, униң тәшәббусини қоллап-қувәтлигүчиләр тепилиду. Ениғирағи, буниңға дәсләпкиләрдин болуп қизи, «MADAME CHANTAL» ширкитиниң мудири Наргиза Cултанова билән Уйғур наһийәсиниң Шуңқар йезисидин учум болған, җәнубий пайтәхттики «Кенжехан-2» базириниң иҗраий мудири Арупҗан Тохтахунов үн қатиду. Бу «сахавәтлик үчлүк» дәрһал реҗә түзүп, ишни башлаветиду. Нәтиҗидә жүригидә оти бар сәпдашлири тәрипидин бир һәптиниң ичидила 13,5 миллион тәңгә жиғилип, Алмута шәһиридики, Алмута вилайитиниң Талдиқорған шәһиридики, шундақла Или, Талғир, Уйғур наһийәлиридики вә Қизилорда вилайитиниң Сирдария наһийәсидики ондин ошуқ ағриқхана вә медицина мәркәзлиригә тәхсим қилиниду. — Биз, адәмләр, пәқәт хошаллиқ дәмләрдила әмәс, бәлки бешимизға күн чүшкәндә бирлик-өмлүгимизни намайиш қилғинимиз әвзәл, — дәйду Алмас Мәсимоғли. — Шуңлашқиму бизниң хәйрихаһлиғимиз ағриқ зәрдавини тартиватқанларға — ярдәм, саламәтлик сақчилириға роһий мәдәт болсекән дәймиз. Пурсәттин пайдилинип, тәшәббусимизни бирдин қоллап-қувәтлигән шуңқарлиқ Тохтасун ака билән Турахан ана Тохтахуновларниң пәрзәнтлиригә вә башқиму сәпдашлиримға чәксиз миннәтдарлиғимни билдүримән. Илаһим, бу еғир күнләр чапсан аяқлишип, көпмилләтлик елимиздә хатирҗәмлик орнисекән дәп тиләймиз. Алмас акиниң пикригә бизму толуқ қошулимиз. Униң вә сәпдашлириниң меһир-сахавитигә апирин әйләп, тениға саламәтлик, ишлириға дайим утуқ-амәт яр болсун дәймиз.

17 рет

көрсетілді

0

пікір
Алдыңғы мақала Қурван һейт мәйрими қандақ пәйда болған?
Келесі мақала Абдулла Розибақиев вә уйғур әдәбий тилиниң мәсилилири

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *